Guwahati, Mar 31: Sombar salo, Bodoland Territorial Region (BTR) sorkari, Education Department baksa nangrime, skanggipa Bodofa Upendra Nath Brahma Memorial Lecture-ko Guwahati songjinmao donggipa Cotton University-ni KBR Auditorium-o ong·atangaha.
‘Father of the Bodos’ ba ‘Bodorangni Pagipa’ ine mingako man·gipa Upendra Nath Brahma-ra saksa Bodorangni dilgipa aro songsalna namroro silroroaniko ra·bana krenge kamko ka·gipa mande ong·e Bodo jatna an·tangko on·kange kam ka·gipa mande ong·achim aro ua All Bodo Students Union (ABSU)-ni president ong·e, dingtang Bodoland a·dokna krengdilgipaba ong·achim. Ua dambepition a·gilsakko wate re·angahaoba, uni namgipa kamrangko Bodorang gisik ra·e ia salo dingtangmancha, uni kamrangni gimin manderangna u·iatna ia program-ko ong·atangaha.
Ia skanggipa changna ong·atanggipa Bodofa Upendra Nath Brahma Memorial Lecture-ko ong·atanio, Assam-ni Education Minister Ranoj Pegu, mongsonggipa sokgipa ong·e bak ra·angaha aro ia program-o BTR-ni dilgipa Pramod Boro, Cotton University-ni Vice Chancellor Ramesh Deka aro gipin dilgiparangba bak ra·angtokaha.
Ia program-ko ong·atani bidingo BTR-ni dilgipa Pramod Boro, kobor ra·timgiparangna talataniko on·angengon, ia program-ko sokachakahani gimin Cotton University-ko mittelpilangenba, Upendra Nath Brahma-ni kamrangni bidingo chadamberangna u·iatna nangengani gimin janapangaha.
Na·simang ia video-koba nina man·gen:
Na·simang iakoba poraina man·gen: Tinsukia-o niamgri koela bikotanio bak dongpagipa sak 4 manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
