Imphal, Aug 20: CPI-M dolni General secretary, Pa Sitaram Yechury-ni dilanichi, dolni sakbri delegate-rang, so·so-jengjeng ong·enggipa Manipur a·dokona salgnina wenbaanio mija Sukrobar salo sokbatokenba, Churachandpur aro Moirang-o rikatgipa a·tiprango soka-chake nirok-simsakataniko man·enggipa nok-jam gri ong·enggipa aro neng·nikanio ga·akgipa manderangko grongangaha.
Manipur a·doko ong·enggipa so·so-jengjeng obostako man·adipet tom·tomatna kamrangko ka·atani bidingo golpona gita Left delegation, ua somoio a·dokni Governor Ma Anusuiya Uikey-koba Raj Bhawan-o grongangjolaha.
Uamangni wenbaani bidingo, Pa Sitaram Yechury, kobor ra·timgiparangna agananganio, a·doko songdongenggipa manderangni dabianirangko knachakani gimin aro ong·enggipa obostarangko tom·tomatpilani gimin samtangtangchin bilko jako ra·enggipa BJP sorkari, obostarangko nikuwake dongchaaigija kamrangko da·on ka·na gita nangchongmotenga, aro tom·tomaona ra·bana gita political-ni gita namgrikatani cholko dakna gita nanggen ine parakataha.
CPI-M delegate-rangni wenbaaniara, re·anggipa July 29 tariko parliament-o warachakgipa Bloc Indiani adita sak MP-rang aro June jao Congress dolni dilgipa Te Rahul Gandhi-ni kajia-golmal ong·enggipa a·dokona wenbaani ja·man ong·achim.
Meitei-rangni ST status-ko on·china dabienganiko jegalenba, a·brijol district-o songdonggipa Kuki aro Naga manderangni ‘Tribal Solidarity March’-ko ong·atani ja·man joljol re·anggipa May 3 tarikoni Manipur a·doko jatgnini gisepo kajia-golmal aro so·so-jengjengrang ong·na gita a·bachengahachim ine nikatna gita man·gen.
Iakoba poraie nina man·gen: Tura-o ong·atgipa Inter-Mahari Football tour-ni final-o, me·asarangni gisepo A·gitok mahari aro me·chikrangni gisepo Mrong mahari niksenganga
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
