Shillong, Feb 21: Budbar salo, Meghalaya a•dokni Chief Minister Conrad K Sangma, Gross State Domestic Product (GSDP)-ni 3.83 percent ong•gipa gong crore 2029-ni deficit budget-ko 2024-2025 bilsina Assembly-ni budget session-o mesoke on•angaha.
Ia bilsini budget-ko a•dokni Chief Minister, Meghalaya a•dokko US dollar billion 10 economy ong•atna tarisamsoanio ‘Mission 10’ ineba parakataha.
Chief Minister-ni parakatani gitade, chu•gimik receipt-rangara gong crore 27,072 ong•enga aro ianoni gong crore 23,515-de revenue receipt aro gong crore 3557-de capital receipt ong•enga.
Gro donggipa gong crore 3527-ko changale total receipt-ko gong crore 23,545-na hisapaha ine talataniko on•angengon, total expenditure-na gong crore 27,072-ko hisapenga aro ianoni gong crore 19,653-kode revenue expenditure-na aro gong crore 7,419-kode capital expenditure-na hisapenga ine Chief Minister parakataha.
Crore 1498-ni loan payment-ko changale total expenditure-na gong crore 25,574-ko hisapenga ineba Chief Minister aganaha.
2024-25 bilsio interest payment-na gong crore 1,236-ko aro pension payment-na gong crore 1,865-ko hisapenga ineba ua aganaha.
2032 bilsini gisepo Meghalaya a•dokko a•songo nambatsranggipa dam 10 a•dokrangoni damsa ong•atna gita miksonge sorkari kamko ka•enga ineba Chief Minister aganaha.
“2028 bilsini gisepo a•dokni GDP-ko US dollar billion 10-ona bariate Meghalaya a•dokba ‘Viksit Bharat’-ni niksamsoanina on•gilpagen aro iakon anga re•anggipa bilsio Prime Minister Narendra Modi-na ku•rachakaha aro da•aloba anga Assembly-o iako agantaienga,” ine Sangma aganaha.
Meghalaya a•dokni dal•roroanio a•doko songdongenggipa mande sakantian namgnirangko man•china gita ming 10 ku•rachakanirangko chu•sokatna uni sorkari krenge kam ka•gen ine ku•rachakaniko on•angengon, 2024-25 bilsina GSDP-ko gong crore 52,973 ba US dollar billion 6.6-na hisapsoenga ine Chief Minister parakataha.
2024-25 bilsini gisepo gender budget-na gong crore 5,271, climate action-na gong crore 4,501-ko aro youth budget-na gong crore 2,853-ko chamenga ineba Chief Minister aganaha.
Meghalaya a•doko lekka porako tang•doatna gita sorkari, gong crore 1,335-ni grants aro aid salary-rangko man•chape gong crore 3,539-ko Education department-na chamenga ineba Sangma aganaha.
Indake ong•engon, ia 2024-25 bilsini gisepo an•seng baljokani kamrangna gong crore 1,970-ko, rama aro nokrangko rikani kamrangna gong crore 2,709-ko, bijolina gong crore 1558-ko, primary sector-na gong crore 1670-ko, urban sector-na gong crore 934-ko aro ringani chirangna gong crore 905-ko sorkari chamenga ine Chief Minister parakataha.
Na·simang ia video-kobanina man·gen:
Na·simang iakoba poraie nina man·gen: Tura ISBT sambao truck bolsa naptome garirang re•na man•gija dongna nanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
