Tura, Jan17: Meghalaya a·dok gimiko niksengako man·engon, bilsi 16na komigiparangni Vijay Merchant Cup-na India a·song gimikni gita cricket kal·anio bak ra·egipa Apananda N Marak-ko uni gittimtang Tura A·konggreo uni name chu·sokanganina kusi ong·chakan baksa mande ra·aniko dakaha.
Chadambe Apananda N Marak Meghalaya Cricket Team-o mongsonggipa bowler ong·a; uan kal·anio gochenggipa ong·a. Kal·anirango uni nambee on·gilahani giminsa Meghalaya team finalona sokna man·aha ine wicket ra·anirangan sakki on·a.
Jharkand-o Manipur baksa finalko kal·on Meghalaya sirikaha, indiba uan Apanandani chu·sokangenganiko dimelatja. Da·odipet Vijau Merchant Trophyna kal·anio Apananda wicket ra·batsranggiparangoni gittamgipa ong·enga. Tournamento ua hat trick man·a gnang aro bang·a namnamgipa batsmanrangkon ganggilataha. Final kal·anioba ua sakgittamko wicket ra·aha.
Cricketni a·bao Apanandani name chu·sokangengako nike, uni gittim Akonggreni Nokma Committee, uko gipinrangnaba de·kadange mesokna miksonge tom·aniko ong·ataha. Tom·anio Apanandana kusi ong·chakani kattarangko agane aro uko mande ra·e, gipin chadamberangba indake namgipa ramako re·angchina ine gittimni a·gipirang didie agantokaha.
Iakoba poraie nina man·gen: India-ni dal•roroanio me•chikrangba bak ong•enga: Prez Murmu
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
