Guwahati|Tura, Jan 15: Da·al Assam-o Bhogali Bihu ba Magh Bihuko an·sengbee manitokenga. Ian sin·karini biteko rata tetani somoio nokdang aro ripengskarang baksa cha·e ringe an·sengbee maniani ong·a. A·dokni bakrango chadamberang meji ba wa·al so·ani noktoprangko adita salrangna skangan wa·a, megap aro te·rik bijakrangchi rike donsoaha. Meji-rangko so·e wa·alni mitdeo pattianiko bi·anian Magh Bihu maniani a·bachengo mongsonggipa mingsa ong·a.
Bihuna tunapani attamko Uruka minga, jekon mejal attamo cha·e ringe, da·alni salna dingtang dingtang cha·ani ringanirangko tarisamsoe manitokaha. Uruka manianio na·tok song·e cha·anian mongsonggipa ong·a.
Bhogali Bihu ba Magh Bihuko Assam-o aro Meghalayani mitam bakrangoba, dingtang dingtang dake minge aro on·tiprak dingtange manitoka. Mitam bakrango Domahi ine, aro banoba Pusna ine minge, jatni dakbewalni kri manitoka.
Iakoba poraie nina man·gen: ‘Bharat Jodo Nyay Yatra’-ko Manipur a·dokoni a·bachengata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
