Tura,March 22: Dadenggreo gital rikgimin Sub-divisional courtko Meghalayani Chief justice I.P. Mukherji Online gita Sonibar salo nokdonggae on·angaha. Oprake on·ani salo Law minister Ampareen Lyngdoh, Meghalayani speaker Thomas A Sangma, justice H.S. Thankhiew, justice Diengdoh aro Dadenggreni MLA Rupa M marakba dongpaaha.
Niam-retiko namekai ja·rikani, manderangna altuae rai-bichalko kam ka·na altubatani aro Democracy a·songo ia sason aro niamko rakkianini nangchongmotani bidingo Dadenggreni MLA Pa Rupa M Marak tom·ao aganaha.
Justice H.S Thankhiew, tom·ao aganengon ia gitalgipa court Dadenggre wilwilaonasan namgni ong·aijawa indiba A·chik a·songni pilak manderangnan namgni, dakchakani ong·gnok ine aganangaha.
A·dok sorkari songdongenggipa pilak manderangna ia sason-aro bichalni bidingo manderang altuae kam ka·tona gita niroke kamrangko ka·enga aro ka·anggen. Bang·bata manderangan courtni kamna re·runa tangka-paisarangko gale re·rurana nangenga, iarangko nambatatna sorkari kam ka·enga ine law minister M Ampareen Lyngdoh jinmana aganaha.
Meghalaya Speaker Thomas A Sangmaba courtko ge·songe on·anichi manderangna bang·a namgnirangko on·gnok ine uni jinmana aganprakao janapaha. “Sub-divisionrango iandake courtko songe on·anichi manderangna namgni ong·chongmotgnok aro ian an·chingni gamchatbegipa gam gita ong·a” Meghalaya Chief Justice I.P. Mukherji online gita jinmana aganprakaha.
Nokdonggani somaio West Garo Hillsni a·gipi dilgipa-skigiparang, officerrang, Education aro medical department oni sokbagiparang, social Welfare departmentoni dilgiparang aro dingtang dingtang departmentoni sokgiparang bak ra·aha.Tom·anio Tura Bar Association, rimchaksoani gitko ring·aha, unbaksana wangala, Hajongrangni chrokani aro dingtang dingtang dakmesok-ring·mesokanirangchi manderangko an·saoatbeaha.
Tom·ani matchotao Lan Russel M.D Ranee judicial Magistrate Dadenggre sub-division mittelpilani kattarangko aganaha aro joljol jinma bol pangrangko ge·rime tom·aniko matchotataha.
Na·simang ia video-koba nina man·gen:
Na·simang iakoba poraina man·gen: EJH-o drugs jakkalaniko bon·atna miksonganio ‘Ia ka Mynreid’-ko a·bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
