Tura, Feb 23: Don Bosco College, Tura, science-ni a·bao me·chikrangko bak man·atna miksonganio National Science Day 2026-ko Sombar salo maniangaha.
Ia manianio “Women in Science-Catalysing Viksit Bharat” ine katta bichongko donenba maniangan baksa an·tangtangni changa sapaniko mesoksusaangaha.
Ia maniani, scienceni a·bao sandianiko dakna aro technical a·bao me·a aro me·chik mikkang niteaniko gimaatna miksonganio Garo Hills a·jani chadamberangko okamani ong·a.
A·song gimiko, 1930 bilsio Nobel Prize-ko man·gipa Sir C. V. Raman-ni 1928 bilsio Raman Effect-ko sandie man·chenganiko February 28 tariko gisik ra·aniko dakrongenga, indake ong·genchimoba, chatro chatrirangni bakrimaniko bariatna gita ia bilsio somoi ong·na skangan ia College-o maniaha.
Ia tom·anio, Tura-ni Assistant Commissioner Banmanlang Warr Lyndem mongsonggipa sokgipa ong·e bak ra·angaha aro unbaksana Don Bosco College-ni Vice Principal Rev. Fr. John Paul Tirkey, Associate Professor Dr. Madhusudhan Saha aro gipin faculty member-rang aro chatro chatrirang dongpae bak ra·angaha.
Tura-ni Assistant Commissioner Banmanlang Warr Lyndem, tom·anio jinmana aganprakengon, gitcham scientist-rang jekai Marie Curie aro Kalpana Chawla-ni janggi tangani gimin aganangaha aro unbaksana, Sir C. V. Raman-ni 1928 bilsio Raman Effect-ko sandie a·bachengdilchengani gimin aganan baksa ia chasongona kingking jakkalenggipa technology-rang jekai fiber optics, cancer research aro nanoscience-ni bidingo talate on·aha. Indake India a·songko dingtanganiona ra·bana gita science aro technology-ni a·bao me·chikrangan mongsonggipa bakko ra·e kam ka·na nanga ineba ua janapataha.
Iarangna agreba, chasonggitalni advocate Reshma Saujani jean Girls Who Code-ko a·bachengataha aro Sheryl Sandberg-ni technology-o me·chikrangko bak man·atna didianiko on·ani gimin janapengon, an·tangni miksonganirangona sokna gita ISRO aro IISC-o jakkaltogipa ong·china chatro chatrirangko didiataha.
Dr. Madhusudhan Saha-ba jinmana aganengon, India a·songo kamna rakkianio me·chikrangna mikkang nitee kamo rakkiani gimin janapatan baksa, STEM ba Science, Technology, Engineering and Mathematics sector-o 27% mangni gitasan me·chikrang kam ka·giparang ong·a, uni gimin iandakgipa program-rangko ong·atanichi chadamberang scienceni a·bao gisik nanggiparang ong·gen ine ka·dongsoenga ine ua aganaha.
Unbaksana, a·songni namroro silroroanina science aro technology-ni mongsonggipa bakko ra·e kam ka·ani gimin aro me·chikrangni jakchin a·songna dingtanganiko ra·bana man·gen ineba ua aganaha.
Ia program-o, quiz competition, science exhibition aro guest lecture-rangkoba ong·ataha.
Na·simang iakoba nina man·gen:
Na·simang iakoba poraina man·gen: 2026-27 bilsina cr 32,023-ni Budget-ko M’laya sorkari paraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
