Jowai, April 19: Jowai-ni District Commerce & Industrial Centre, Genaral Manager-ni office chu·gimik jako ra·e Jaintia Hills a·jani skotong Jowai-ni Ladthalaboh Indoor Stadium Hall-o salgnina ong·atenggipa District Level Industrial Exhibition-ko joltangni MLA Pa Wailadmiki Shylla, a·jani Deputy Commissioner Pa BS Sohilya-ni dongpaanio Butbar salo oprake on·angaha.
Salgnina ong·atenggipa exhibition-ko oprake on·angani somoio joltangni MLA Pa Shylla, jinmana aganprakangengon, department-ni iandakgipa namgipa chol on·anirangko ra·tokchina aro an·tangtangchi pilak bading-chiwalanirangko dake-ka·e cha·enggipa aro rokom-rikkit bosturangko jakmatangchi tarina sapgiparangko uamangni miksonga nisanko chu·sokatna gita aro bosturangko ong·katna gita rakbate kamrangko ka·tokchina didiangaha.
Salni bako dongpagipa a·jani Deputy Commissioner Pa B. S Sohliya-ba rokom-rikkit bosturangko tarie manderangna mesoke palna gita ra·bagipa manderangko aro uamangni kamrangko de·mittele aganangengon, saksa-sakgipinoniko skie ra·skana aro u·ianirangko on·grikna gita chol on·anirango mikkangchiba sakantikon bakko ra·angtaikuchina gita agan-ku·pattianiko on·angaha.
Ia exhibition-ko ong·atanian, kamgri dongenggipa pilak chadamberangko an·tangtangari bading-chiwalani cholrangko a·bachengchina gita didianirangko on·na miksongesa ong·ataha ine DCIC-ni General Manager, Pa A. Malngiang, rimchaksoani kattako agananganio u·iatangaha.
Ia exhibition-o sorkarini dingtang dingtang department-rang aro Self Help Group (SHG) rang uamangni taribagipa bosturangko manderangna mesoke palna gita ge 42 dokanrangkoba songaha.
Iakoba poraie nina man·gen: Sweepers Colony-ko apjitna gita Harijan Panchayat Committee, sorkarina aganchakaniko on•kuja
