23.8 C
Tura
spot_img

Dec 26 tariko Amit Shah Assam-ona re•baenga

Must read

Guwahati, Dec 23: Re•baenggipa December 26 tariko Union Home Minister Amit Shah, Assam-ona re•baengani gimin Assam a•doko opposition dolrangoni adita sak dilgiparang, BJP dolo napangnaba gnang.

Bodoland Territorial Council (BTC) aro Tiwa Autonomous Council (TAC) election-o BJP dol baksa bakrimenggipa dolrang cheani ja•man ian Amit Shah-ni skanggipa changna Assam-ona re•bataiani ong•engachim.

Assam Assembly election-ko mikkang bilsio ong•atna siengani gimin Amit Shah-ni Assam-ona re•baani somoion BJP dolni gita ia election-na tarisamsoaniko jinmana parakatnaba gnang.

Amit Shah-ni Assam-ona re•baanio ua BJP dolni dingtang dingtang dilgiparang baksa tom•e chanchirimanggen aro mikkang bilsio ong•atna sienggipa Assembly election-na BJP dolni tarisamsoanirangkoba niangjolgen ine u•iataha.

Koborko on•ani gitade, Assam Assembly-ni sak 126 membor-rangko seoktaina gita election-ko re•baenggipa 2021 bilsini April ba May jao ong•atnaba gnang.

Ia chang Assam Assembly election-o BJP dol ge 100-na baten seat-rangko chena man•naba gnang ine Assam a•dokko nirokenggipa BJP-ni dilgipa Baijayant Panda, an•tangni ka•dongchakenganiko parakataha.

“Assam-o BJP aro BJP baksa bakrimenggipa dolrang sorkariko rikpiltaigen aro ia chang election-o komibeoba dam 100 seat-rangko chegen,” ine Baijayant Panda parakataha.

West Bengal a•dokni Assembly election-koba mikkang bilsion ong•atna siengani gimin adita salrangna skangsan Union Home Minister Amit Shah, West Bengal a•dokonaba wenangahachim ine nikna man•a.

Re•baenggipa 2021 bilsio Assam aro West Bengal a•dokrang baksana Tamil Nadu, Kerala aro Puducherry a•dokrangoba Assembly election-ko apsan ong•atnaba gnang.

spot_img

More articles

spot_img
-->

Latest article