Shillong, May 9: An•tangni garini registration nomborko taridapa aro jakkalsreta ine matnangenba, Meghalaya a•dokni Director General of Police (DGP) Lajja Ram Bishnoi-ni kosako Meghalaya Police-ni gitcham Assistant Inspector General (AIG) GK Iangrai, Bristibar salo FIR ka•doangaha.
Shillong-o Nationwide Emergency Response System (NERS) building-ko rikna gita chame on•gipa tangka paisarangko jakkalsreta ine matnange, re•anggipa 2022 bilsini October 28 tariko saksa Darwin Sangma minggipa mandeni CID-na FIR ka•ani ja•man gitcham AIG Iangrai-ko 2022 bilsini November 2 tariko rim•ahachim.
Indake ong•genchimoba an•tangni kosako matnanganirangko ua jegalatskaenba, police department-o ong•gija dakgipa manderang bang•en donga aro gipinrangni ong•gija kamrangna ukosa matnange rim•aha ine gitcham AIG aganskaahachim.
Indake ong•engon, uni garini registration nomborko DGP taridapaha aro ong•gija dake jakkalsretaha ine DGP-ko matnangataha aro uni kosako inquiry dakna songgipa committee membor-rangni kosakoba ja•kurangko de•china gita gitcham AIG Iangrai, FIR-o dabiangaha.
Iangrai-ni FIR-o janapatani gitade, ia inquiry committee-ni membor-rang, biapona re•ange am•sandianirangko dakgija aro Transport department-ni record-rangko nichenggija biap damsanoni report-ko tariata gita ong•aiahachim.
2023 bilsini July 27 tariko Right to Information (RTI)-ni ning•o Verna 1.6 VTVT garini bidingo seatgipa chittio janapani gitade, ia gariko DGP-ni bimingo ML-02A 0001 inesa Transport department-o register ka•aha ineba Iangrai janapataha.
2022 bilsini May 17 tariko, Meghalaya a•dokni DGP ong•e kamko jako ra•na re•bachengani somoio Lajja Ram Bishnoi, Assam sorkario register ka•gipa gipok Kia Carnival Limousine model gariosa re•baahachim indiba da•o ua ia gario, Verna 1.6 VTVT-na register ka•gipa ML-02A 0001 nomborkon jakkalskaenga ineba gitcham AIG, FIR-o matnangataha.
Dongimin niamrango pangchake Meghalaya a•dokni DGP, gong lak 12 ong•gipa damonasan garirangko jakkalna man•aiachim indiba DGP-ni jakkalenggipa garide gong lak 40-mang gapangpila ineba Iangrai parakataha aro uni kosako niamo pangchake ja•kurangko de•china FIR-o didiataha.
Iani bidingo ua, Meghalaya a•dokni Chief Secretary aro State Vigilance Officer-naba sedoataha.
Meghalaya a•dokni DGP LR Bishnoi, re•baenggipa May 19 tarikon kamoni neng•takangengahachim ine nikna man•a.
Na·simang ia video-koba nina man·gen:
Na·simang iakoba poraina man·gen: Cha•ani ringanirangko salangenggipa army-rangni truck gari bikpile ga•aka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
