32.7 C
Tura
spot_img

NE-ni manderangko “Chinese” dake nika ine agananina, BJP dol Pitroda-ni kosako matnange agana

Must read

Shillong, May 9: India a•songni salgro salaram (NE) jolrango songdongenggipa manderangko “Chinese” dake nika ine, Congress dolni a•gipi bate dilenggipa Sam Pitroda-ni agananina, a•dok BJP dolni ku•wattimgipa M Kharkang matnange aganangaha. “Ia kragijagipa, rasong be•atgipa aro jat basea gnang Sam Pitroda-ni agananiara, banga India-o songdongenggipa manderangni gisikko saatan baksana rak•en jegalaniko man•a krachongmota. Chinga India-ni Salgro Salaram jolrango songdongenggipa manderangde, ia indakgipa daito ra•na nanggipa gadango dongpileba, chingko “Chinese” manderang dake nika inako man•ora namen krachongmote nikja. Pitroda-na anga indake talatna skenga, an•ching pilakan janera-o an•tang mikkangtangko janion India a•songni mande ine an•tangko mikkim gnang ong•e nika aro iako darangan u•ia, ia mande an•tang a•song chigatangko watbaenba gipin a•songo songdongenggipa iani gimin maming saloba u•ijawa,” ineba a•dok BJP-ni ku•wattimgipa aganangaha.

Advertisement

“Ia indakgipa mande jean a•songtang chigatango donggija, ia a•songni gimin mamingkon u•igijagipa mande maikai Rahul Gandhi-ni skigipa aro ku•pattigipa ong•na man•a, iako chanchiaton chanchisokpilgijani ong•a. Ia indake dakaniara Congress dolni skang chasongrangoni India a•songna jat baseani gri ka•sae dangdike on•baaniko dakbadeani ong•enga. India a•songni daka rikani, niam reti, bebe ra•aniko ma•sigijagipa aro rori ma•chongko ra•gipa mandeni ku•pattianiko sawa maina ra•gen?” ineba ua sing•dokuaha.

Advertisement

Bak dake sason ka•ani aro jat baseani da•o bon•aha, Congress dol ta•raken iani bidingo, India a•songo songdongenggipa manderango maming agandapani gri kema bi•aniko dakchina gitaba ua agandapangkuaha.

Congress dol gimikan iani dos-ko ra•na nanggen, uamang “chinga Sam Pitroda-ni kattako ra•chakna man•jawa” ine mangmang aganaiode cholijawa inenba Kharkang u•iataha. Ia indake kragija kattarangko agane so•so jengjeng ong•atani gimin, Sam Pitroda, Indian Overseas Congress dolni Chairman-ni kamko watgale galaha.

Na·simang ia video-koba nina man·gen:

Na·simang iakoba poraina man·gen: DGP-ni kosako gitcham Assistant Inspector General FIR ka•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article