Guwahati, Nov 24: A·ako jakkalani bewalrang dingtangroroanirangni a·sel Nagaland-ni Dhansiripar jolo donggipa a·arang ta·rakbeen nosto ong·enga ine gital am·sandianirangko dake nianio u·ina man·aha. Burung-bolgrimrangko den·e gale ge·a-gamani aro nokrang aro uandakgiparangko rikani a·sel a·ani acidity-ko bariatenga, a·a mitimaniko komiatenga aro a·arangko bang·bate rurongatenga – indake ong·anichi joltango ge·e-game cha·anirang aro songdongenggipa biapna kengniko ra·baenga ine researcher-rang aganenga.
Nagaland University-ni scientist-rang song damdokrango am·sandie nianirangko dakaha — Amaluma, Dhansiripar, Doyapur, Kiyeto, Melongmen aro Razhaphe — aro iano a·ao donggipa mongsonggiparang jekai pH, organic carbon, chi rakkina man·ani aro a·a mitimanirangko nie ra·aha. Game cha·giparangko sing·e nianirangko dakon uamangba bite nanganirang komiani aro a·a nosto ong·anirangko janapaha.
“Ia am·sandie nianio Dhansiripar-o a·arangni ta·rake nosto ong·enganiko mesokaha. Ge·a-gamanirangko aro samtangtango donggipa biaprangni nisianiko naljoke rakkina namgipa ranta ka·anirangko ra·gatchina chinga didia,” ine Nagaland University-ni Vice Chancellor Prof. Jagadish K Patnaik parakataha.
Ia am·sandie man·anirangko international journal Environmental Monitoring and Assessment-o chapa ka·aha aro am·sandianirangko ICAR-Indian Agricultural Statistics Research Institute, University of California San Francisco, Dibrugarh University, Tocklai Tea Research Institute aro Diphu Medical College & Hospital bakrime ka·angaha.
Am·sandianiko dakgipa dolrang dingtangmanchagipa statistical bosturangko jakkalenba mi a·palrang, bagan barirang aro burung-bolgrimrangni a·arangko ra·e tosusae niaha. Unon, a·ani acidic ong·ani (pH 4.9–5.9), organic carbon dingtang dingtang gadangrango ong·ani (0.45–3.69%), aro macronutrientrango dingtangrikanirangko see ra·aha, uandake a·ani rokomni kri a·ako ripingna dingtang dingtang bewalrangko ra·gatna nanga ine mesokaha.
Dingtang dingtang a·ako jakkalani bewalrangko tosusae nianiara dakrongbewalo am·sandie nianirango nikna man·gijagiparangko paraka ine aganaha ine senokgiparangoni saksa Prof. Manoj Dutta aganaha. Mi a·palrango a·arang namroroangja aro a·a rurongangna namen altua ine Prof. Tanmoy Karak aganangskaaha.
Uandake a·arangni ta·rake nosto ong·roroanganichi a·ani mitimani komiangroroaniko champengna, dingtang dingtang pangkamgipa cholrangko sandina nanga ine RhD Scholar Reshinaro Tzudir aganaha.
Bilakgipa am·sandie aro nie ra·ani cholrangko dakanichi a·arangni nosto ong·ani aro a·arangko jakkalanirang dingtangrorobaanirangko u·i-ma·sina man·bata aro am·sandie nianirangko bebera·na man·bata ine ICAR-IASRI-ni Dr Ranjit Kumar Paul aganaha.
Dhansiripar burung-bolgrimrang aro ge·a-gamanirango namen nangchongmotgipa biap ong·genchimoba uni gimin am·sandie nianirang komibea ine researcher-rang aganaha. Pangkamgipa cholrangko jakkale ge·a-gamanirangko dakna aro a·arangko jakkalna ma·ambioni u·ibaenggipa dakbewalrang jakkale ua jolo songdonggipa manderang baksa bakrime ru·uta bilsirangna nirokanirangko dakna aro niamrangko tarina uamang chanchienga.
Na·simang iakoba nina man·gen:
Na·simang iakoba poraina man·gen: GHADC election-o susaani cholrangko nina UDP committee-ko songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
