Guwahati, May 7: Assam-o Lok Sabha election-ni gittamgipa bakko ong•atanio, Dhubri Lok Sabha constituency-ni Mankachar polling station-o dolgni dinggrikaniko nikna gita man•aha.
Kobor on•timgiparangni u•iatani gitade, ia a•sel ong•ani Kathalbari-o donggipa No. 158 polling booth-o ong•aha aro dolgni dinggrikaniko kobor man•soa bakan chel•chakgipa dolrang, so•sojengjeng ong•aniko namatna gita ia biapona dariangaha.
Pu•onani somoio mikkarang waahaoba bang•bea manderangni pu•onna gita riting dakanirangko nikna man•skaaha.
Dhubri Lok Sabha constituency-o AIUDF-ni dilgipa Badruddin Ajmal, Congress-ni Rakibul Hussain aro AGP-BJP-ni Zabed Islam-ni gisepo bilakbate susaanirang ong•engachim.
Ia constituency-ni ning•o Muslim-rang 55%, Hindu-rang 40% aro gipin toromni manderangba 5%-ni gita donga aro pu•ongiparangara gimik 13,53,952 donga. Ia 13,53,952-oni sak 12,89,451-de me•asarang aro 2,64,340-de me•chikrang ong•a.
Ia Dhubri Lok Sabha constituency-ni ning•o dam 11 Assembly constituency-rang dongskaa aro uaranga, Golokganj, Dhubri, Birsing Jarua, Gauripur, Bilasipara, Mankachar, Jaleswar, Goalpara East, Srijangram, Mandia, aro Chenga Assembly constituency-rang ong•a.
Na·simang ia video-koba nina man·gen:
Na·simang iakoba poraina man·gen: BJP MLA Atul Bora LS Election-o pu•onja
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
