Guwahati, Jan 30: Budbar salo, Assam Police dolrang Dhubri a•jao donggipa Birshing Char jolniko bang•bea pekatgipa bosturangko rim•aha.

Koborrangko man•soenba, Dhubri police dolrang Siddiqui Ali-ni nokoniko am•sandianiko dakanio Siddiqui Ali aro Abed Ali-ko rim•a baksana ge 26 plastic-ni temarango chipgimin gram 65.40 mangni heroin-rang, kg 7.082 mangni gita ganjarang, gisik bringbrangatgipa rong 4 Tramadol capsule-rang, te 30 bangbanggipa sam temarang baksana mobile phone bolsako rim•aha.

A•bachenge am•sandianiko dakanio, rim•a man•gipa manderang bang•a bilsirangna pekatgipa samrangko badingsrukanio bak dongpagiparang ine nikna gita man•aha. Ia pekatgipa samrangko rim•ani somoio jakgitelgipa nikpagiparangni nikanio jawilwat-rangko ra•rikaha. NDPS Act-ni ning•o case-ko segatan baksana, ia pekatgipa bosturangko palbadinganio gipin bak dongpagipa manderangko am•sandianirangko dakenga.

Na·simang ia video-koba nina man·gen:

Na·simang iakoba poraina man·gen: Byrnihat-o niam pe•gipa karkanarangko Pollution Control Board sandia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub