Shillong, July 23 : A•dok gimiko poraichakram school nokrangko namdapatna jotton ka•engon, Eastern Panorama Offset-ni CSR Wing, East Khasi Hills-ni Diengpasoh Govt. LP School-o ge•gni toitel block-rangko rike on•angaha. Jekon sombar salo, State Project Director of School Education & Literacy (DSEL) Swapnil Tembe-ni jakchi a•bachengate on•angaha.
Ia project-na Eastern Panorama Foundation aro JCI Kamrup Elite dol dakchakaniko on•enga.
Swapnil Tembe, uni agananio, sorkarini school-rango nangchongmotgipa toilet ba paikanarangko rike on•ahanina, Eastern Panorama Foundation aro JCI Kamrup Elite dolrangna nama skaniko on•e aganangan baksana, department-ni gita dongimin niamrangko ja•rikaninaba school-ni skigiparang aro school-ko chalaienggipa dolrangnaba nama skaniko on•angkuaha. Iani gisepon, Head Teacher, Luis Mukhim, bilsiantian bi•sarang bang•batroroengani gimin bi•sarangna poraichakna gita nokdringrangko nangdapengani gimin ia tom•anio janataha.
Eastern Panorama Foundation-ni General Secretary, Harsh Jhunjhunwala, ia cholko on•ahanina Education Department-ko demittelan baksana, schoolrango uamangni ka•anggni kamrangni giminba u•iate on•angaha.
Ia tom•bimonganio, JCI Kamrup Elite-ni President, Madhubala Jhunjhunwala baksana, Eastern Panorama Foundation dolni member-rang aro Poshan Abhiyan-ni dolrangba ia tom•anio bak ra•angpaaha.
Ia program-ko ong•atanio, Swapnil Tembe, kan•dikgipa sing•anirangna aganchakanirangkoba ong•atangaha aro iano bak ra•giparangna Chess Board-rangko boksis dake suale on•angaha.
Na·simang ia video-koba nina man·gen:
Na·simang iakoba poraina man·gen: District Coordination Committee tom•aniko SWGH-o ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
