Tura, Dec 21: University-ni dal·dalgipa dilgiparang campus-ko ru·uta sal somoirangna nigalan baksana niamni gita kragija kamrangko ka·na on·aha, indiba da·alo uamang Pro Vice-Chancellor, Prof. F. K. Marak-na chakpaaniko on·a ine Tura, NEHU-ni chatro chatrirang u·iataha. Post Graduate Students’ Union (PGSU) aro Garo Students’ Union (NEHU Tura Campus Cell), Vice-Chancellor Prof. Prabha Shankar-ko niamrangko name ja·rikgijanina, campus administration-ko bilgriatanina aro ru·uta somoirangna pangkamatgija ong·atahanina matnangataha. Bilsi 4 ong·na am·pilonan Campus-o Pro Vice-Chancellor baksana ra·chakgimin chatro chatrirangni dol dongjani gisepon, VC banggija bilrang baksa Campus Director-kosa rakkiskaa jean bilsio klas ra·aniko nangchakeatan baksana chatro chatrirangni dilgiparangko ra·galataha ine uamang janapataha.
Chatro chatrirang ia somoirangko kamrangko tik ong·e ka·gijani aro daitoko name jako ra·e kagijani ine aganengon, Vice-Chancellor-ni kosako niamni gita ja·ku de·aniko dakchina dabie NEHU-ni gita iana baten bilakbee jingjengatanina chakpaaniko on·a nangnikaniko u·iatangaha. Iani gisepon, uamang Prof. F. K. Marak-ko, Pro Vice-Chancellor-na rakkianiko, 2025 bilsini May jao NEHU Executive Council-ni ra·chakaniko man·ahani gimin ian niamni gita kragipa ong·e ine uamang namnike ra·chakangaha.
Campus-o sakgni mangmangsan kamo rakkikama man·gipa officer-rang aro bang·batan dikdiksana kamo rakkigiparang ong·ani gimin, campus-ko chalaina gita Prof. Marak-ni dilani nangchongmotgipa ong·a ine chatro chatrirang u·iatangaha. Bebe gita Pro Vice Chancellor kamtangko watanga ong·ode, campus-o administration aro chatro chatrirang bang·a neng·nikanirangko chagrongna nanggen ine uamang mikrakataniko on·ataha. Indake ong·engon, uamang authority-rangko VC-ni ong·gija kamrangna, Pro Vice-Chancellor-ko matnangjachina aro uni nama kamrangko ra·chakchina didiataha. Da·o dipet, NEHU authority-rangoni mamingba aganchakaniko man·sokuja.
Na·simang iakoba nina man·gen:
Na·simang iakoba poraina man·gen: Namrup Fertilizer Surakshya United Forum, gital urea fertilizer plant-ko tarina miksonganiko namnike ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
