Shillong, Jan 24: Budbar salo cabineto tom·e chanchirimanio, Republic Day-ko maniani salo jinmana aganprakna tarigimin speech ba kattarangko name chanchirimani jamano Meghalaya Cabinet ra·chakaha. Una agreba, tom·anio dingtang dingtang katta bichongrangko ra·e chanchirime uarangko ra·chakaha.
Ia ra·chakgimin speech-ko Republic Day-ko maniani salo a·dokni dingtang dingtang skotong biaprango, mande ra·ako man·na kragipa Governor aro Cabinet Minister-rang a·dokni dingtang dingtang biaprango jinmana aganprakgen.
Ia tom·e chanchirimanio, Meghalaya Finance Service Rules 1989-na on·dape tarigimin niamrangkoba nipile Cabinet ra·chakaha.
Bang·a departmentrangan, sorkarini gita ra·chakugijagipa, opistangosa tarigimin niamrangkosa ja·rikengani gimin, ia niamrangko taridapaha ine Cabinet Minister Paul Lyngdoh aganaha.
Meghalaya sorkari Bangladeshni High Commission baksaba chanchirimaniko dakenga aro re·baenggipa February jani 16 tariko Dhaka-o ro·ongniko tarigimin U Tirot Singh-ni mangkrom bitongko jinmana oprake on·gen ineba ua janapataha.
Dambri departmentrango, chong·motan, Civil Defence & Homeguard, Excise Registration Taxation and Stamps Department (ERTS), Forest & Environment Department aro Home Police Department-rango kamna mande seokanio komigipa badita bilsioni batgipa badita bilsiona ong·giparangko ra·gen, chanchirime tik ka·angaha. Ia departmentrango kamko ka·na gita be·en bimangni gita bilak wa·sagipa manderangko nangani gimin, kamo napchengani bilsi komibeoba bilsi 18oni 21ona ong·na nanga, ERTS Department-o batbeoba bilsi 27 ong·na nanggen, Civil Defence and Homeguard Department-rango batbegipa bilsi 32 ong·na nanga, Forest & Environment Department-o bilsi 30-32 ong·na nanga, aro Home Police Department-o bilsi 21oni bilsi 27ni gisepo ong·gipa ong·na nanggen ine Cabinetni gita tik ka·angaha ineba ua agandapataha.
Mikkangchi antigni ba antigittamni gisepon, ia departmentrango nangnikenggipa ming 3000 postrangna batpile Home Police Department-o aro Civil Defence and Homeguard Department-o ming 500 postrangna donganiko jinmana parakatgnok ineba Lyngdoh parakataha.
Iakoba poraie nina man·gen: Lok Sabha election-ni ja•man Rahul Gandhi-ko rim•gen: Assam CM
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
