Shillong, Feb 19: Climate change ba a·gilsako ding·a aro sin·anirang batroroengani a·selan chiring chibisikrang ran·atako man·e chirangko ripinganio neng·nikanirangko chagrongna nangenga ine Sombar salo, Meghalaya a·dokni Public Health Engineering (PHE) Minister Marcuise N Marak, Assembly-o aganaha.
Soil & Water Conservation department, Water Resources department aro uandakgipa dingtang dingtang department-rang, chiring chibisikrangko tangatpilna gita ja·kurangko de·enga ine janapatengon, Jal Jeevan Mission-ni kamrangoba niroke ja·kurangko de·na man·na gita sorkari, chiring chibisikrangko geo-tag ka·enga ine PHE Minister parakataha.
Budget session-ni question hour-o Sohiong constituency-ni MLA Synshar Kupar Roy-ni sing·anina Marak, ia kattarangko aganchakaha.
JJM-ni kamrangko PHE department, ia 2024 March jani gisepon matchotatna nisan donenga ineba Marak parakataha.
Chini bidingo sing·anirangna Meghalaya a·dokni Chief Minister Conrad K Sangma-ba aganchakaniko on·angengon, antisa skangsan a·dok sorkari, KFW baksana mongsonggipa program mingsako a·bachengataha aro ia program-ni ning·on Umiew Basin aro Ganol Basin-ni pilak chibisikrangkon tangatpilna kam ka·gen ine parakataha. Ia programara gong kror 344-ni MegARISE minggipa program ong·a ineba ua aganaha.
Na·simang Iakoba poraie nina man·gen: Meghalaya Govt to spend Rs 344 Cr for protecting the catchments areas of Umiew, Ganol river
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
