Nongpoh, Aug 13: Nongkyndang Saiden-oni bilsi 27 ong·kuenggipa Wanphrangsngi Syiemlieh, an·tangni drugs jakkalrimska ripengrangoni joke katna jotton ka·enba Byrnihat-ni Umtrew chibimao chokone gimaaha aro da·o dipet uni bimangko man·kujaenga.
Police-rangni aganani gitade ia a·sel Mongolbar attamni 5 bajini gisepo ong·aha.
Ia mandeni nokdangni manderangni aganani gita de, ia a·selni bidingo koborko uamang phone gita man·soaha. Syiemlieh aro uni drugs jakkalrimskarang uamangni cha·ogimin mobile phone-ko palaha aro pale tangka man·gipako apsangrik suale ra·aha. Iani gisepon, uamang Syiemlieh-ko gong 300 bate ra·aha ine u·iaha jeni a·selan uamangni gisepo nanggrikani ong·aha aro uamang Syiemlieh-ni Umtrew chibimao chokonkujana kingking uko jinma rikgrimaha ine u·ina man·aha.
Indake mikrontangchi nike sakki on·giparangni aganani gitade, ia manderang uni chibimao gimakujana kingking ro·ongchi gogrimaha ine u·ina man·aha.
Ia obostani bidingo bakan Byrnihat Outpost-ni Police-na koborko u·iataha aro uamangba bakan Nongpoh aro Shillong-ni State Response Team (SRT)-ni diver-rang aro Fire and Emergency Service dolni dakchakanichi ia mandeko am·sandina a·bachengataha. Indake ong·genchimoba, mikkarang jimbee waani a·sel chibima dal·ani gimin am·sandianio neng·nikaniko man·enga.
Da·o dipet Syiemlieh-ni manggisiko man·kujaenga aro uni nokdangni manderangni dakchakachi am·sandianiko dakengkua.
Na·simang iakoba nina man·gen:
Na·simang iakoba poraina man·gen: BJP dol, M’laya-o OBC-rangko officially ra·chakchina sorkario dabianiko dakanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
