Boko, 09 September : Re•anggipa Sonibar saloni Robibar salona, Rabha Hasong Sports Association, Dudhnoi Martial Arts Academy aro Rabha Hasong Wushu Sub Committee-ni gita Goalpara a•jani Dudhnoi-o chang 6-gipa Rabha Hasong Wushu Championship-ko ong•atangaha.
Ia championship-ko ong•atanio, National Referee-rang chong•motan Guwahati-ni Ratul Saikia aro Udalguri-oni Jakob Basumatary maang head judge aro assistant head judge ong•e bak ra•angpaaha. Council-ni gita me•a aro me•chikrangna iandakgipa cholrangko ong•atanina ua demittele aganangaha.
RHAC jolni ning•o donggipa dingtang dingtang Club-rangni chu•gimik sak 170 me•a aro me•chikrang ia championship-o bak ra•angaha, inenba RHAC-ni Executive Member, Aditya Rabha parakatan baksana, RHAC jolni ning•o donggipa pilak me•a aro me•chikrangko kal•susaani a•bao ra•dona man•a gita ia championship-ko battanggimin 2017 bilsioni ong•atbaenga ineba ua agandapangkuaha.
Asian Games, East Asian Youth Games, Southeast Asian Games, World Combat Games aro dingtang dingtang multi-sport ba kal•susaanirangon ia Wushu kal•susaaniara officially ra•chakgimin ong•a. Ia kal•susaaniara, gitcham aro gitalgipa Chinese martial art ba dakgrikanio jakkalgipa bewalrangko ra•chimonge skigipa kal•susaani ong•a, jekon dam 120 a•songrangna batpilen officially skie ra•aniko dakenga.
Kamrup a•jani ning•o donggipa Boko club-ni gita kal•susaaniko dakgiparang bang•bate medalrangko man•an baksana skanggipa biapko man•aha. Iani gisepon, Goalpara a•jani ning•o donggipa Dhupdhara aro Matia Club-ni 2-gipa aro 3-gipa biaprangko man•angskaaha. Ia championship-ko ong•atani bon•kamgipa salo, RHAC-ni Vice-President, Ramakanta Rabha, Executive Member-rangoni Sumit Rabha, Phanindra Rabha, ARSU-ni dilgiparang aro gipin okamako man•giparangba re•bae bak ra•angpaaha.
Na·simang ia video-koba nina man·gen:
Na·simang iakoba poraina man·gen: Me•chikrangni robol kal•susaanio Mangsang Mahari final-ona doanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
