Shillong, July 18: Bristibar salo, a•dokni Skotong Minister Conrad K. Sangma 2024 Durand Cup Trophy-ko, U Soso Tham Auditorium-o jinmana oprake mesokataha. Ian chang 133-gipa Durand Cup tournament-ko ong•atani ong•enga aro ian Shillong songjinmao skanggipa changna sokachakaniba ong•engachim.
Ia tom•anio jinmana aganprakengon, batanggimin bilsioba ia gamchatgipa Durand cup-ko ong•atna manchisoahachim, indake ong•genchimoba ia Asia-ni gitchambatsranggipa football tournament-ko ia bilsio sokachakna man•enganina uni gisiko kusi ong•aniko Skotong Minister parakataha. Unbaksana ia tournament-ko chu•sokgipa ong•atna gita sorkari raken jotton ka•enga ineba ua janapataha.
Sorkari ni policy aro program-rango kal•susaaniko mongsonggipa ong•e ra•enga aro kal•chakram biaprangko rikanio aro chadamberangna dakchakaniko on•a, sorkari bang•a korosrangko ka•bataha ineba ua janapataha.
Una agreba, kal•susaani dingtang dingtang bakrango chu•sokatna sorkari bang•a ja•kurangko de•aha ine aganan baksa, ia Durand Cup 2024-ko ong•atanio songdongenggipa manderangkoba bak ra•pachina Sangma mol•molataha.
Batanggimin somoio, 101 Area-ni GOC Lt Gen Sanjay Malik, Durand Cup 2024-ko skanggipa changna Shillong songjinmao ong•atenganio ming 6 kal•susaanirang donggen aro ia Shillong songjinmao ong•atnasienggipa gipin football tournament-rangna dakmesokaniba ong•gen ine aganaha. Ia Durand Cup-ko ong•atanichi Meghalaya a•dokni robol kal•chenggiparangko robol kal•susaanio nambatatna dakchakaniba ong•gen aro Ia tournament-o sepangbatgipa Nepal aro Bangladesh a•songrangoniba kal•susaanggen ineba ua agandapataha.
Indake, 2024 bilsini August 2 tarikni attamni 4:00 bajio Shillong Lajong aro Tribhuvan Army Football Club baksa JN Stadium-o robol tingsusae Durand Cup 2024-ko oprakanggen. Iana agreba, Air Force dolrangni bilwenwene mesokaniko aro doka damanirangko dake chrok mesaanirangkoba nikangna man•gen.
Uni ja•mano Skotong Minister, Durand Cup 2024 Trophy-ko mesokjoljole a•bachengatanggen.
Na·simang ia video-koba nina man·gen:
Na·simang iakoba poraina man·gen: A•gilsak gimiko dambebatgipa professor Prof. Suborno Isaac Bari August jani 14 aro 15 tarikrango USTM-ona re•bana sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
