Guwahati, April 26: Assam Cachar a•jani ning•o donggipa Durga Nagar Cha bagan-o songdonggipa sak 767 manderang, gesa mangmang dongpagipa ramako tarie on•jani gimin jegalaniko me•sokna gita, da•alo ong•atanggipa Lok Sabha Election-o vote on•a jechakaha. Ia biapara, Udarbond Legislative assembly-ni ning•o ga•aka jean Silchar Lok Sabha Constituency-ni ong•a.
Presiding Officer aro gipin polling staff-rang Durganagar Cha Bagan LP skul-o pu•ongiparangko pring seng•oni sengoba darang saksaba re•bae pu•onaniko dakjaha.
“Bebe gita attamoni rama tarianiko a•bachengata ong•ode, chinga re•ange ritting ritting chadengenba pu•onaniko dakgenchim. Chinga changni chang re•angenba MLA Mihir Kanti Shome-ko iani bidingo grongenba mol•molanirangko dakahachim, indiba ua pangnan ia kamko dondikatsimaia. Adita ru•uta somoirangnan chinga rama tarie on•aniko sengahachim indiba da•alonaba ia ramako tarikujaenga,” ine cha bagano songdonggipa saksa aganangaha.
“Chingni bi•sarang skulrangchina ia skongchake donggipa ramako salantin re•na nang•enga aro ia skongchakgipa chini ning•ao a•kolrangba gnang jeni a•selan chinga bang•en nengnikanirangko man•enga mongsongbate me•chikrang,” inenba ua agandapangkuaha.
“Chingade MLA-o ka•dongjaha. Vote-ko on•a jechakanide saksanni kam ong•ja indiba ian chingni jinmani ku•monge tik ka•giminsa ong•a, chinga darangba vote on•a skani gisik dong•ja,” inenba sakgipin songdonggipa mande aganangskaaha.
MLA-ba uamangko vote on•china didianiko dakahachim, indiba uamang vote on•jawa ine raken jechakataha.
Na·simang ia video-koba nina man·gen:
Na·simang iakoba poraina man·gen: Lekka porani bidingo chanchirimna Don Bosco College-o tom•aniko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
