Tura, Apr 26: Garo Hills-o lekka porani gita nanganirang aro cholrangni bidingo jinma chanchirimna gita Sukrobar salo dingtangmancha program-ko Tura-ni Don Bosco College Conference Hallo ong•atangaha aro ia program-ko West Garo Hills a•jani Deputy Commissioner Jagdish Chelani a•bachengate on•angaha.
Ia program-ko ong•atanio West Garo Hills a•jani Deputy Commissioner, tom•anio bak ra•giparangna aganprakangengon, Garo Hills-o lekka porako namdapatna gita sorkarini ra•gatgipa scheme-rang aro miksonganirangko jinmana talate on•angaha.
Skul aro college-rango chatro chatrirangna, janggi tanganio cholinagipa subject-rangko skie on•na nangengani giminba Chelani aganangaha.
Ia program-ko Tura Don Bosco College aro Shillong-ni Martin Luther Christian University (MLCU) nangrime ong•ataha aro ia program-ko ong•atanio dongpae bak ra•anggipa gipin manderangara, Tura Don Bosco College-ni Principal Fr Bivan Rodriques Mukhim, Shillong MLCU-ni Vice Chancellor Prof TK Kharbamon, Tura ICFAI University-ni Dean Viola Sonatchi B Sangma aro dingtang dingtang college aro university-ni skigiparang ong•a.
Na·simang ia video-koba nina man·gen:
Na·simang iakoba poraina man·gen: Shillong Cantonment Board-ni a•arango, niamgri songdongenggipa manderangko a•rikgalchina HYC dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
