Shillong, Feb 9: Sorkari baksa tom·tomanina agangrikaoni an·pilangani ja·man, Hynniewtrep National Liberation Council (HNLC) bobil dol, an·tangtangni dongimin niamrango pangchake, Meghalaya a·dokni Deputy Chief Minister Prestone Tynsong-ko grongna tik ka·angaha.
Iani bidingo HNLC-ni general aro publicity secretary Sainkupar Nongtraw, Facebook-o seachi parakatengon, Deputy CM-ni grongna agananiko uamang ra·chakenga indiba grongchakani biapko uamang an·tangtangsa tik ka·gen ine janapataha.
Deputy CM-ni grongna mol·molaniko uamang ra·chakaha aro iani bidingo Deputy CM-na u·iatmanaha ine janapatskaengon, je a·songo ong·genchimoba grongchakani biapko HNLC-sa tik ka·gen indiba uamang una naljoke re·ruraani, dongchakani aro namgipa cha·ani ringanirangko on·gen ine HNLC-ko grongna kenjachina gita Nongtraw, Tynsong-ko didiataha.
Tom·tomaniona re·bapilna gita ma·mong aro a·dok sorkari baksa agangrikaniko HNLC bobil dol ra·pilani ja·man, HNLC bobil dolko agangrikaniona re·bapilchina gita Deputy CM Prestone Tynsong okamatahachim ine nikna man·a.
Sorkari baksa agangrikaniona re·bapilchina okamatengon, HNLC bobil dolni dal·batgipa dilgiparang baksa a·dok sorkari, je biapoba agangrikna kusi ong·aigen ine a·dokni Tynsong aganahachim.
“Ian da·ode HNLC-ni dilgiparangosa pangchakaiaha maina iandakgipa namgipa cholko uamang man·taijawaha. HNLC bobil dolni sorkari baksa agangrikaniko ra·pilna seatgipa chittiko chinga sorkarini gita man·soaha indiba ia agangrikaniko dakangkuna gita chinga uamangna do·gako oe donengkua,” ine Deputy CM aganahachim.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
