Tura, July 02: College of Community Science, Central Agricultural University, Tura-ni gittamgipa bilsio poraienggipa chatro-chatrirang “Early Childhood Education” course-ni ning·ao chonchongipa bi·sarangna skiani cholrangko tarie Exhibition-ko ong·ataha. Department of Human Development and Family Studies-ni Associate Professor aro HOD, Kh. R. Aimol-ni dilanichi, ia exhibition-o bi·sarangna seng·gnang skie ra·na aro dal·rorona dakchakna, dingtangmancha dake nigimin aro dam komiani skiani cholrang ba bosturangko tariaha.
Ia exhibition-ko ong·atani mongsonggipa miksonganiara department-ni on·gipa Early Childhood Education-ni practical klas-o chatro-chatrirangni tarigimin teaching aids ba poraia-skianio dakchakanirangko mesokna ine ong·a. Iako ong·atanio, University-ni Dean, Dr, Jyoti V. Vastrad aro gipin faculty memberrang bak ra·e, bi·sarangna seng·gnang skie ra·anio chatro-chatrirangni gisik nanganirang, dingtang dingtang tarianirang aro uamangni kamrangko mitele aganaha. Iandakgipa bosturang ba cholrangko bang·bate tarie, bang·a manderangona sokatna aro namgniko ra·bana janggi tangani cholrangko sandie dake ra·china, university-ni Dean chatro-chatrirangko didiaha.
Ia teaching aids ba skie ra·ani cholrang ba bosturangko mongsonggipa dal·roro-silroroanirangko namdapatna krenge tariaha jekai ja·a-jakrangko mangrae jakkalani, taningko jakkalanio u·iani, channani, kattarangko aganani, aro gam·atna changanirang. Uandake, uamang letchu bitchilrangko jakkale kildingo sike channanirang, cardboard-ko rate dingtang dingtang dake nianirang, aro gipin jakkaltaitaina aro samtangtangna nisianiko ra·bagijagipa bosturangko tarie , skie ra·anio samtangtangko nisigija mikkangna chanchie dakaha.
Ia exhibition-o mingsa nambegipa mesokani-ara A·chikku-chi skiani ba u·ie ra·ani cholko tarianian ong·a. Indake dakanichi chonchongipa bi·sarangna ku·siktangni gamchataniko skianiko mesoka, aro uamangni taningni dal·roroani, gisikni chanchianirang, aro jattangni gimin u·ianiko uamangni skie ra·ani bilsirango dakna nangchongmotgipa cholko on·a.
Na·simang ia video-koba nina man·gen:
Na·simang iakoba poraina man·gen: Salsnina rama champengatako man·ani a·sel Mizoram-o petrol-rangko man·ja
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
