Tura, Apr 22: Adita salrangna skang, East Garo Hills a•jani Rongmil jolo, Assam-ni mande sakgittamko so•ote galanina Sombar salo, North Garo Hills a•jani Wageasi jolo songdongenggipa manderang, jegalgrimenba jinma re•jomaniko ong•atangaha.
Re•anggipa April-ni 16 tariko, Assam a•dokni chadambe sakgittamko ma•sina man•kugijagipa manderang, so•otenba Rongmil jolo donggipa buring damsao gope galangahachim. Ia mande sakgittamni manggisirangko April-ni 17 tarikosa police-rang man•ahachim.
Ia mande sakgittamko so•otanio jak donggipa manderangko rim•na gita police-rang da•o am•sandianirangko dakengahachim.
Ia a•selni bidingo Assam aro Garo Hills-ni dingtang dingtang dolrang, Robibar salo, Dudhnoi IB-o tom•enba, ia a•selo jak donggipa manderangni kosako raken jegalangtokaha aro so•ota man•gipa mande sakgittamni nokdangrangna tangka paisarangko gamskachina gita sorkario dabiangaha
Na·simang ia video-koba nina man·gen:
Na·simang iakoba poraina man·gen: Boko bazar-ko wa•al kamanio adita dokkanrang nosto ka•ako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
