Shillong, Oct 3: Khasirangni chengoni u·i-ma·sibaaniko tange rakkiangkuna gita miksonganio Nongtyngur-ni Khasi Students Union (KSU) dol, East Khasi Hills a·jani Nongtyngur-o donggipa ‘Living Root Bridge’ ba tanggipa ja·dilni jal·langko Sonibar salo, songni manderang baksa taridape on·angaha.
Ia Nongtyngur songara Shillong-oni km 70-mang aro Pynursla-oni km 30-mang chel·grikachim.
Ia tanggipa ja·dilni jal·langara songni manderangna chiringko ga·batna dakchakanisan ong·aigija gipin biaprangoni manderangkoba salbana gita dakchakengachim.
Gadanggni dakgipa ja·dilni jal·lang Nongriat songoba donga aro ia jal·langko jolni manderang aro gipin a·songoni re·bagipa manderangba nina re·angtokenga.
Ia tanggipa ja·dilni jal·langko prap bolni ja·dilrangchi chiringko ga·batna gita tarie dona aro uandaken ia ja·dilrang breahaon manderang ia ja·dilko jal·lang gita jakkalna man·aha.
Aganritingbaanirango parakani gitade, iandakgipa ja·dilni jal·langrang ritchani ritcha bilsirangna tange dongronga.
Indake ong·engon, Nongtyngur-o donggipa ia ja·dilni jal·langchi songni nokni manderang namgnirangko man·china gita Nongtyngur songni Nokma Rostanwell Hadem baksana KSU Nongtyngur Unit-ni membor-rang, ia tanggipa ja·dilni jal·langko taridape on·angaha.
