Tripura, Apr 25: Bristibar salo, East Tripura Lok Sabha Election-o duty ka•na seoka man•gipa polling Offial-rang aro security personnel-rang, EVM aro pu•onanio nangchongmotenggipa bosturang baksa an•tangtangna tikatgimin polling station-rangona re•chakatangtokaha.
April 26 tariko chongmotan, Sukrobar salo, East Tripura seat-na, gimik gimang sak 13,96,761 voter-rang dam 1664 polling station-rango pu•onanggen, aro ianoni sak 7,02,511 me•asarang, sak 6,94,237 me•chikrang aro sak 13 third gender-rang ong•achim.
Indake, Mizoram-oni Bru voter-rangnaba, ma•mong sorkari aro Tripura aro Mizoram a•dokni sorkari baksa chanchirimaniko dake, Tripura a•doko songdongkamenggipa Bru jatrangnaba vote ka•na cholko on•a inenba songgigrikaniko dakangaha. 1997 bilsioni Tripura a•doko songdongkamenggipa Mizoram-oni sak 37,000 Bru jatrangba, ia eleksino uamangni gamchatgipa vote-rangko on•anggen ine nikna man•a.
Election Commission of India, ia heat wave-ni somoio voter-rangna ka•sinataniko on•a man•a gita ja•kurangko de•enga aro maiba u•isona man•gijagipa a•selrangoniko chel•chaksona gita, Indo-Bangla sima arini naka point-rango nirokaniko dakna security-rangko bang•en donataha.
Indake, batanggimin April 19 tariko eleksinko ong•atanio, BJP dolrang sakgipinrangni kosako so•sojengjeng ong•ataha, doka sataniko dakangaha, polling centre-rangona pu•ona re•bagiparangko aro opposition party-rangni polling agent-rangko champengsoaha ine opposition INDIA Alliance dolni matnangengani gisepon, ia East Tripura Parliamentary seat-na tarisamsoanirangko dakengachim.
Indake ong•engon, West Tripura Parliamentary Constituency aro Ramnagar Assembly seat-na eleksinko ong•ataichinaba uamang dabiataha.
Na·simang ia video-koba nina man·gen:
Na·simang iakoba poraina man·gen: Manipur-o cr 3.5-ni drugs baksana sakgniko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
