Shillong, March 28: International Year of Millet 2023-ni ning•o salgnina ong•atenggipa ‘Eat Right Millet Mela’-ko Mongolbar salo, Meghalaya a•dokni Health & Family Welfare Minister Dr M Ampareen Lyngdoh, Shillong songjinmani Malki Ground-o a•bachengate on•angaha.

Ia mela-ko Meghalaya sorkarini ning•o donggipa Commissionerate of Food Safety ong•atenga aro ia mela-ko a•bachengate on•angani somoio a•dokni Health Minister, jinmana aganprakangengon, mi misirangni gamchataniko ma•sibate ra•na aro an•tangtangni u•i-ma•sianirangko gipinrangna sualgrikna gita ia mela-o a•dok gimikoni mi misirangko game ge•e cha•giparang aro dambe bading chiwalgiparang bakko ra•engani gimin an•tangni kusi ong•aniko parakataha.

Iana skang ua, Mela-o tarie dongipa dingtang dingtang stall-rangkoba niangaha.

Ia mela-ko a•bachengatanio dongpae bakko ra•anggipa gipin manderangara, Food Safety-ni Commissioner RM Kurbah, Agriculture department-ni Director S Kharsati, East Khasi Hills Food Safety-ni Assistant Commissioner DBS Mukhim aro gipinrang ong•a.