Tura, May 6: Meghalaya Early Childhood Development Mission (MECDM)-ko gipatna gita Meghalaya sorkarini Social Welfare department, Catholic mondoli baksa Memorandum of Understanding (MoU)-o soi ka•grikangaha aro ia soi ka•grikanio, Meghalaya a•dokni Chief Minister Conrad K Sangma-ba dongpae bak ra•angaha.
Ia MECDM-ni bidingo a•dokni Chief Minister Conrad K Sangma janapatengon, ian bi•sarangna, nokdangrangna, songsalna aro a•dokna, an•seng baljokaniko on•ani, dambemitingonin skie ra•ani aro naljokaniko on•anio a•dok sorkarini mongsongbatgipa aro chu•sokbatstanggipa kam ong•a ine parakataha.
Ia ECD Mission-ni mongsonggipa bakrangoni mingsade, a•dok gimiko donggipa dam 2000 Anganwadi centre-rangko Creche aro ECD centre-rangona dingtangatanian ong•enga aro bakan Anganwadi centre-rangko ramram nokrangoni nitobegipa aro mangkimgipa ECD centre ong•aniko nikna man•gen ineba Chief Minister aganaha.
Kamrangko ka•anio dingtang dingtang department aro songsalni gisepo bakrimna nangani gimin aganangengon, batanggimin somoirango department-rang, an•tangtangarisa kamrangko ka•ahani gimin ia ECD Mission-ara, Health, Social Welfare, Education department-rangko aro songsalni institute-rangkoba ku•cholsan ong•atna dakchakaha ine Chief Minister aganaha.
Diltugipa aro galchipako man•gipa biaprango namroro silroroaniko ra•bana gita sorkari, MNGREGA, Tribal Affairs Ministry aro dingtang dingtang scheme-rang baksa nangrime kamko ka•enga ineba ua aganaha.
Na·simang ia video-koba nina man·gen:
Na·simang iakoba poraina man·gen: Indo-Bangla sima kaaniko ta•rakbatatna a•a ra•anio neng•nikanirangko namatchina sorkari ge•eta
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
