Shillong, Feb 14: East Garo Hills-o, bang•bata ma•giparangko hospital-rango bi•sarangko atchiatchina didiataniko dakenba ma•gipa aro bi•sana sanna bannanirangko namdapatna sorkari kamrangko ka•enga. An•o dongenggipa ma•giparangko medical-ni dakchakaniko ra•na nangja ine bebe ra•aniko dingtangatna gita uamang awareness program-rangko ong•atan baksana songni manderangming agan-golpogrikanirangkoba dakangaha. Ian bi•sa ba•aniko naljokbatatani aro sianirangko komiatan baksana chasong gitalni bewalo sana banani namgnirangko on•a miksonganio ja•ku de•ani ong•a.

District Medical & Health Office (DM&HO)-ni gita, hospital-o bi•sa atchiatani komibatgipa aro bang•a nokdangrangon bi•sa bakgitchakrangko biji su•na nangani bidingo jajae dongenggipa Rapdikgre songo ia health camp-ko ong•atangaha, jeon Williamnagar-ni MLA aro Cabinet Minister Marcuise N Marak dongpae bak ra•angpaaha.

Cabinet Minister, Marcuise N Marak, songni manderangko hospital-o bi•sarangko atchiatna didianio doctor-rangni neng•nikanirangko chagrongna nangani bidingo u•iatangaha. Bang•a songni manderang medical-ni manderang baksa agangrikna gita jechakani gimin Cabinet Minister Marak an•tangan, official-rang baksa re•ange songni manderangko grongeaha. Pilak namgnirangni gimin talate on•a jaman songni manderang biji su•ani aro hospital-o bi•sa atchiatna namnike ra•chakangaha. Marak, bang•a songni manderangan Megha Health Insurance Scheme (MHIS)-na bimungrangko segatanirangko dakjaenga ine agananengon, ia cholko ra•e uamang MHIS-ni namgnirangko jinmana u•iate on•angaha.

Gipin songrangni gimin sing•anirangko dakon, da•o awareness program-ko ong•atgipa songna agre bang•a songni manderangan hospital-o bi•sa atchianirangko dakengaha ine Marak aganchakaniko on•angaha. Sorkarini program-rang jekai “Mother App”-ni gimin manderang name u•igenchimoba skango sana banani bewalo pangchake uamang jajaengkua. Indake ong•genchimoba, dondikgija awareness-rangko on•anichi aro toromni dilgiparang jekai Reverend Jimmy Carter-ni dakchakanichi medical-ni simsak nirokanio ka•dongbataniko on•a dakchakaha. Williamnagar Civil Hospital-ko namdapatani aro gital rikenggipa Critical Care Unit-ko man•chape sana bananiko namdapatani giminba Marak janapataha.

Na·simang ia video-koba nina man·gen:

Na·simang iakoba poraina man·gen: KHADC election-na CM, Mawkyrwat constituency-o campaign ka•anga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub