Williamnagar, Feb 26: East Garo Hills a•jao ma•mong sorkarini ra•gatgipa dingtang dingtang scheme-rangko nipilna gita Bristibar salo, Tribal Affairs-ni Union Minister of State Durgadas Uikey, Williamnagar Circuit House-o tom•aniko ong•atangaha aro ia tom•anio, East Garo Hills a•jani Deputy Commissioner RP Marak, Additional Deputy Commissioner-rang, Block Development Officer-rang aro dingtang dingtang department-ni official-rangba bak ra•angtokaha.
Ia tom•anio Union Minister, rama jal•lang, lekka pora, an•seng baljokani aro dingtang dingtang kamrango namroro silroroaniko ra•bana ma•mong sorkarini ra•gatgipa dingtang dingtang scheme-rangko nipilangenba, sorkarini program-rangko chu•sokatanio, jinmana parakani gnang name chu•sokatchina dingtang dingtang official-rangko didiangaha.
District Administration-ni neng•nikanirangko namatna gita ja•kurangko de•chakatgen ine janapatengon, Tribal Affairs Ministry-ni gita pilak nanga dakchakanirangko on•naba Uikey, ku•rachakaniko on•angaha.
East Garo Hills a•jao ta•rakbate namroro silroroaniko ra•bana aro sorkarini on•enggipa namgnirangko songni nokni manderangona sokatna an•tangtangko on•kange aro saksa sakgipin baksa bakrime kam ka•chinaba ua official-rangko didiangaha.
Union Minister, Budbar salo Williamnagar-ona sokbaaha aro uni East Garo Hills a•jaona re•baanio ua, dingtang dingtang biaprangona re•e, ma•mong sorkarini ra•gatgipa scheme-rangkoba niangaha.
Union Minister Durgadas Uikey, Rongap Mikgilsimgre songo donggipa strawberry bagankoba nieaha aro uano ua game ge•e cha•giparangko gronge, sorkarini dakchake on•enggipa program-ni gimin sing•sandie ra•angaha.
Mitam game ge•e cha•giparang, sorkarini dakchakanirangko man•engani gimin an•tangtangni chu•ongnikaniko parakangaha indiba mitamde, nambate gama ge•anirangko dakna man•na gita kubotar-rangko aro chi salani pump-rangko on•china Union Minister-ko mol•molataha.
Iani bidingo Union Minister, East Garo Hills a•jani Deputy Commissioner aro Horticulture Department-ko, nienba nangani kri dakchakanirangko on•china ge•etangaha. Pangkamgipa gama ge•anirangko dakna man•na gita sorkarini subsidy scheme-ni ning•o on•enggipa solar-powered pump-rangko ra•china gitaba ua game ge•e cha•giparangna ku•pattianiko on•angaha.
Iani ja•man Union Minister, Williamnagar-o donggipa DCIC-ni Emporium-koba niangaha aro ja•mano Samanda Rikwarenggre-o donggipa Eklavya Model Residential School-onaba re•ange, skulko chalaienggipa manderang aro skigiparang baksa agangrikangaha.
Una agreba East Garo Hills a•jaona re•baanio Union Minister, Nengmandalgre Fish Sanctuary baksana Nengmandalgre Honey Processing Unit aro Functional Pack House-koba niangaha.
Na·simang iakoba nina man·gen:
Na·simang iakoba poraina man·gen: Lak 13 damni Marijuana (ganja) baksa sakgniko Mankachar-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
