Williamnagar, Jun 5: A•gilsakni gipin biaprango gitan East Garo Hills a•jaoba, Soil & Water Conservation Department, World Environment Day-ko Akelgre songo donggipa Balchol A•brini Manda Nokpante-o manidilangaha aro ia salko manianio, Meghalaya a•dokni Soil & Water Conservation Minister Marcuise N Marak, mongsonggipa sokgipa ong•e bak ra•angaha.
Ia salko manianio Marcuise Marak, jinmana aganprakangengon, samtangtango ong•telaigiparangko tangatpilanio dingtang dingtang kamrangna a•dok sorkari, gong crore 340-ko chame donaha ine parakataha.
Buring bolgrimrangko bariatna nangengani gimin janapangengon, dingtang dingtang songrangni gisepo bol ge•susaanirangko ong•atna nangenga ine Marak aganaha.
Samtangtango ong•telaigiparangni gimaroroangenganina sorkarikosan matnangna man•jawa ine janapatskaengon, samtangtango ong•telaigiparangko tangatpilanio manderangba sorkari baksa bakrimaniko on•na nangchongmota ine Minister aganaha.
Mikkangchina chanchisamsoe bolrangko ge•na aro ripingna nangengani giminba Marak aganangaha.
Ia tom•anio, East Garo Hills a•jani Deputy Commissioner Vibhor Aggarwal-ba dongpae, jinmana aganprakangengon, songo noko donggipa manderangni nanganirangko ra•bae on•engani gimin Soil & Water Conservation Simsanggre Division-ko mittelpilangenba, samtangtango ong•telaigiparangko ripinganio gipin department-rang baksa nangrime songni nokni manderangna mikrakatanirangko on•china Simsanggre Division-ni Divisional Officer-ko didiangaha.
Ia World Environment Day-ko manianio Soil & Water Conservation Minister Marcuise Marak baksana gipinrangba Manda Nokpante-ni wilwilao bolrangko ge•angaha.
Na·simang ia video-koba nina man·gen:
Na·simang iakoba poraina man·gen: ABVP bolrangko ge•e World Environment Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
