Shillong, Jan 30: East Garo Hills Police dolni am•sandianiko dakanio Rongjeng Police Station ning•o ga•akgipa Chibilbang sepang jolni buringo dape dongimin mortal shell bomb aro AK rifle-ni guli barutrangko nikna man•aha. Ia am•sandianiko Budbar wal 10 bajioni abachengaha aro Bristibar pring ni 1 bajimang-o ia dape dongipa silchidarerangko nikna man•aha.
Ia amsandianiko East Garo Hills ni Additional SP, Anthony Ch. Momin dakdilaha. Indake ia man•gimin silchidarerangara, ronggni mortal shell bomb, a•songtango tarigipa chongipa pistol aro rong 428 guli gnanggipa AK rifle ong•a ine East Garo Hills ni SP, Stephen Rinja uiataha.
Ia man•gimin silchidarerang, Garo Hills a•jani bobil dol, chong•motan, GNLA dolni dape dongipa ong•na nanga ine chanchichipenga. Ia dolko a•bachengatgipa aro Commander in chief, Sohan D Shira sagi, jean, 2018 bilsio police-rangni jako so•otako man•aha, ua a•jani dingtang dingtang buringrango silchidarerang, grenade bomb aro guli barutrangko dape donronggipa ong•anina mingsingako man•gipa ong•aha.
Indake uni siani ja•man aro uni gipin member-rangni an•tangtangko police-na bame on•ani ja•man, East Garo Hills a•jani dingtang dingtang buringrango dape dongipa silchidarerangko police dol nikna man•engaha.
Na·simang ia video-koba nina man·gen:
Na·simang iakoba poraina man·gen: Matburingni be•en bakrang baksa sak gittamko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
