Shillong, Feb 21: East Jaintia Hills a•jani constituency damgnini ning•o donggipa polling station-rango, ma•sina man•gijagipa manderang napdraenba, election-o jakkalenggipa electronic voting machine (EVM)-rangko nosto ka•e galani ja•man, ia polling station dambrio pu•onatpiltaichina a•dok sorkarini District Council Affairs (DCA) department, ge•etaniko on•angaha.
Ia election-ko Sonibar salo, pring 7:00 bajioni attam 4:00 bajiona ong•atangtaigen aro ia polling station-rango nanga gita chel•chakgipa sipai dolrangko dongen.
Iani bidingo talataniko on•angengon, East Jaintia Hills a•jao JHADC-ni constituency damgnini ning•o donggipa polling station dambrio badiaba dolni manderang, EVM-rangko nosto ka•e galahani gimin ia polling station dambrion pu•onatpiltaichina DCA department ge•etaniko on•aha aro election-ko Sonibar pring 7 bajioni attam 4 bajiona ong•atanggen ine DCA-ni Commissioner & Secretary Cyril Diengdoh parakataha.
Pu•ontaina nangenggipa polling station-ranga, Musniang-Rangad constituency-ni ning•o donggipa Wapung Skur A, Wapung Skur B aro Bataw-Lakadong constituency-ni ning•o donggipa Bataw A aro Bataw B ong•a ineba ua aganaha.
Ia polling station-rango manderangni EVM-rangko nosto ka•e galani bidingo am•sandina gita nangkuenga ineba Diengdoh aganaha.
Diengdoh-ni parakatani gitade, ia a•selni bidingo FIR-ko ka•aha aro iani bidingo Deputy Commissioner, nanga gita ja•kurangko de•anggen.
Sukrobar attamni 3:00 bajiona kingking KHADC election-o pu•onani 60 percent aro JHADC election-o pu•onaniara 70 gapaha ineba DCA department-ni Commissioner & Secretary parakataha.
Da•o dipet chu•gimik report-rangko man•kujaenga ineba Diengdoh aganaha.
Na·simang ia video-koba nina man·gen:
Na·simang iakoba poraina man·gen: BookAChange program-ko BookMyShow Foundation a•bachengate on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
