Shillong, Jan 30: Election-ni somoirango dilgipako seokanio manderangni bak ra•aniko bariatna gita manderangni bak ra•ani komibatenggipa polling station-rangna, East Khasi Hills District Election Office-ni gita District Level Outreach Program-ko Shillong songjinmao donggipa Deputy Commissioner (DC) office-ni Conference Room-o ong•atangaha.

Ia program-ko ong•atanio East Khasi Hills a•jani Deputy Commissioner SC Sadhu, tom•anio bak ra•giparangna aganprakengon, re•baenggipa February-ni 27 tariko ong•atna sienggipa Assembly election-o manderangni bak ra•aniko namdapatna gita cholrangko ku•pattiangenba, ia polling station-rango manderangni bak ra•aniko 90 percent batatna gita krengchina didiangaha.

Gittimtangtangni manderangko didina man•na gita gittimko dilenggipa manderangni dakchakanirangko ra•china gitaba ua polling official-rangko didiangaha.