Shillong, July 22: Electricty (Amendment) Bill 2022-ko Boarding department-ni engineer-rang baksa chanchirimchenggijade Parliament-ona ra•angkujachina gita a•songni Prime Minister baksa agangrikchina All India Power Engineers Federation-ni Chairman Shailendra Dubey, Meghalaya a•dokni Chief Minister Conrad K Sangma-ko mol•molataha.
Bristibar salo, MeECL Engineer Association-ni general conference-ko Shillong songjinmani Pinewood Hotel-o ong•atanio federation-ni chairman, a•dokni Chief Minister-ko didiataha.
Engineer-rangni tom•a matchotani ja•mano kobor ra•timgiparang baksa agangrikengon, Electricity (Amendment) Bill 2022-ko Parliament-o pass ka•ahaode ian boarding law-o dingtanganiko ra•bagnok, uni gimin ia bill-ko Parliament-ona ra•angna skang, engineer-rang baksa agangrikchina chinga a•songni dilgiparangko nangnikenga ine Dubey parakataha.
Smart meter-ko chatna miksongenggipani bidingo janapatskaengon, Electricity (Amendment) Bill-ko pass ka•ahaode bill-rangkoba internet gitasa ra•na cholrangko dongnok aro ian chadamberangni kam ka•e cha•aniko pe•e galani gita ong•gnok ine Dubey parakataha.
