25.6 C
Tura

EMRS-o reservation policy-ko ja•rikna ma•mong sorkari baksa agangrikenga: Conrad

Must read

Shillong, Feb 23: Meghalaya a•dokni Eklavya Model Residential School (EMRS)-rangoba reservation policy-ko ja•rikna gita a•dok sorkari, ma•mong sorkari baksa agangrikenga ine Sukrobar salo, Meghalaya a•dokni Chief Minister Conrad K Sangma parakataha.
Assembly session-o Nongkrem-ni VPP MLA Ardent Basaiawmoit-ni sing•anirangna Chief Minister-ni aganchakaniko on•ani gitade, Meghalaya a•dokni EMRS-rangoba reservation policy-ko ja•rikna gita on•gen ine unbaksa tom•anio Union Tribal Affairs Minister aganaha.
EMRS-rangko kulianichi hajalni hajal kamrangko ong•katatna dakchakgen ineba ua aganaha.
Iana skang, Meghalaya a•dokni Education Minister Rakkam A Sangma-ba ia apsan kamni bidingon aganchakaniko on•angengon, EMRS-o state reservation policy-de nangchakeani dongjawa indiba EMRS-o reservation policy-ko ja•rikna gita ma•mong sorkarina seataha ine aganaha.
EMRS nokrangko rikanio ja•manchakengani gimin aganchakaniko on•angskaengon, ma•mong sorkarini dongimin niamo pangchake, ia skulna a•arangko indin on•gilgipasa ong•na nangani gimin a•arangko ra•anio neng•nikanirangko man•na nangengani a•sel bang•bata block-rangon kamrang ja•manchakatako man•enga ine Education Minister parakataha.
Mawlai, Sohiong aro Mawpat block-rangode EMRS-rangko on•jaenga ine Mawlai-ni MLA Brightstarwell Marbaniang-ni sing•anina aganchakaniko on•angskaengon, a•dokni pilak block-rangon EMRS-ko kulina gita bakan a•dok sorkari, ma•mong sorkarina seatgen ine Education Minister ku•rachakaniko on•angaha.
Pahamsyiem aro Samanda block-rangode EMRS nokrangko rika matchotahani gimin ia 2024 bilsini April 1 tarikonide class-rangko a•bachengatna sorkari miksongenga ineba ua aganaha.

Na·simang iakoba poraie nina man·gen: Assam-o drugs badinggipa mande saksa police-rang goa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

More articles

-->
-->

Latest article