Tura, Dec 1: Sonibar attamo, Sweden a·songni mingsingbegipa ‘Europe’ dolni ga·subee doke dam·e aro gitrangko ring·e mesokanganichi salgnina ong·atanggipa Me·gong Festival-ko matchotataha.
Ia salgnina ong·atanggipa Me·gong Festival-o Meghalaya a·dokni Chief Minister Conrad K Sangma, aro gipin cabinet minister-rangna agreba El Salvador, Jamaica aro Uzbekistan a·songrangni ambassador-rangba re·bae bak ra·angtokaha.
Ia Me·gong Festival-ni bon·kamgipa attamo, Sweden a·songni ‘Europe’ band, uamangni mingsingbegipa gitrangko ring·e manderangko an·saoatangbeaha aro uamangni git ring·anina nina gita India a·songni dingtang dingtang biaprangoniba bang·en manderang re·batokaha.
Ia bon·kamgipa attamo, komibeoba laksamangni gita manderang, Baljek airport-o tom·chimongtokaha aro ia manderangoni mitamde, Europe band-ni cholarangko gane aro flag-rangko ra·e, an·tangtangni namnikaniko mesokangtokaha.
Ia brigipa changna ong·atanggipa Me·gong Festival-o dingtang dingtang cha·ani aro ringanirangkoba manderang cha·e ringe nina cholrangko man·tokaha.
Re·anggipa bilsio, ia Me·gong Festival-ko ong·atanio, traffic jam ba gari gorarangni apchangket ong·anichi manderang neng·nikanirangko chagrongna nangtokahaoba ia changode Meghalaya Police-ni rakbee kamrangko ka·anichi maming neng·nikani grian gari gorarang re·rurana man·tokaiaha.
Na·simang ia video-koba nina man·gen:
Na·simang iakoba poraina man·gen: Mukul-ni party-ona re•bapilaniko Pala nokchakgenchim ong•oba AICC-sa iana raiko on•anggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
