Guwahati, Apr 4: Foreigners Tribunal-o Koch-Rajbongshi jatni kosako ka•gipa ming 28,000 case-rangko sorkari ra•pilna tik ka•angaha ine Sukrobar salo, Assam-ni Chief Minister Himanta Biswa Sarma parakataha.
Iani bidingo kobor ra•timgiparangna talataniko on•angengon, Koch-Rajbongshi jatara Assam-ni Tribal jatrangan ong•a aro ia jatni kosako ming 28,000 case-rangko Foreigners Tribunal-o ka•ahani a•sel uamang neng•nikanirangko chagrongna nangtokengani gimin ia case-rangko Assam sorkari ra•pilna tik ka•angaha ine Sarma parakataha.
Assam-o songdongenggipa Tribal jatrangni namroro silroroanina Assam sorkari rakbee kamrangko ka•enga ine janapatengon, Assam-o Koch-Rajbongshi jatni manderang, kachariona re•ruraanirango tangka paisani gita neng•nikanirangko chagrongna nangtokengani gimin Assam cabinet chanchirimenba, ia jatni kosako donggipa case-rangko ra•pilna tik ka•angaha ine Sarma aganaha.
Assam Chief Minister-ni aganani gitade, Assam-o songdongenggipa Koch-Rajbongshi jatni kosako Foreigners Tribunal-o ming 28,000 case-rang dongani a•selan, ia jatni manderang, an•tangtangko Assam-o songdongkamgiparangan ine sakkiko on•na kachariona re•rurana nangtokengachim indiba da•o sorkari, ia case-rangko ra•pilna tik ka•ahani gimin ian Assam-ni Koch-Rajbongshi jatna rang•speani ong•gnok.
Na·simang ia video-koba nina man·gen:
Na·simang iakoba poraina man·gen: Basanti Puja-ko manina bang•bea manderang Durga Bari mite noko tom•chimonga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
