Shillong, Oct 15: Gambegre Assembly constituency-ni by-election-ko re•baenggipa November jani 13 tariko ong•atgen ine Mongolbar salo, Election Commission of India (ECI) parakataha.
Re•anggipa April jao ong•atanggipa Lok Sabha election-o Gambegre constituency-ni gitcham MLA Saleng A Sangma, Tura-ni Lok Sabha MP-na seokako man•ani ja•man MLA-ni kamko watna nangahani gimin da•o Gambegre Assembly constituency-ni gital MLA-ko seokna gita by-election-ko ong•atna nangengachim.
Indake ong•engon, Gambegre by-election-o susana gita National People’s Party (NPP) tarimanaha ine NPP-ni dilgipa aro a•dokni Cabinet Minister Marcuise N Marak, by-election-ni tarikko ECI-ni parakatani ja•man aganskaaha.
Gambegre by-election-o susana gita NPP tarisomanaha ine janapatengon, ia by-election-o NPP baksa susagrikna sienggipa dolara Trinamool Congress (TMC)-sa ong•gen ineba Marak aganaha.
Gambegre constituency-ni gitcham MLA, an•tangni constituency-na maming kamrangkon ka•jahani gimin ia by-election-ode Gambegre constituency-ni manderang Congress-na pu•ongija NPP-nasa pu•ongen ineba Marak parakataha.
Marak-ni aganani gitade, a•dokni Chief Minister Conrad K Sangma, Gambegre constituency-o skul nokrangko rike on•an baksana dingtang dingtang namroro silroroani kamrangko ra•baahani gimin ia by-election-o Gambegre constituency-ni manderang, NPP-nan pu•ontelgen.
Ia by-election-o NPP, Chief Minister Conrad K Sangma-ni jikgipa Mehtab Chandee A Sangma-ko susaatengon, TMC-ni gita Dengnakpara-ni MDC aro a•dokni gitcham Minister Zenith Sangma-ni jikgipa Sadhiarani M Sangma-ko susaatskaengachim.
Na·simang ia video-koba nina man·gen:
Na·simang iakoba poraina man·gen: RTI Act-ni bidingo sorkario kam ka•giparangna agan-talate on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
