Shillong, July 5: Meghalaya Board Of School Education (MBOSE)-ni porikkako seanio neng•nikaniko chagrongna nangenggipa Gambegre-oni ritchani ritcha chatro chatrirang, jemangan Tura ba Dalu centre-ona chel•bea ramarangko re•e porikkako sena nangachim, uamangna namgipa kobor chong•motan, uamangni porikkako sechakna gita ua jolni school damsako MBOSE centre-na chapdimataha.
West Garo Hills a•jani Kherapara Secondary School-ko MBOSE porikkako sechakna gita centre damsa ong•e, 2024 bilsini July 4 tarikoni dipet bilsi 3-na chandimatako man•aha.
Ia chapdimanio adita dakna nanggnirangba gnang, jekai, gong 3000 tangkarangko processing fee-na, gong 6000-ko affiliation fee-na aro gong 3000-ko certificate fee-na gamna gita nanggen. Unbaksanaba, joljol bilsi 3-na porikka seanio 50% mang bate pass ka•giparang ong•na nanggen aro una agreba annual renewal fee-koba December 15 tarikna skangan gamna nanggen.
Gambegre-o MBOSE porikkako sechakna centre-ko songe on•china ru•uta somoirangonin dabianirang gnangchim, maina chatro chatrirang Tura-ona 16 km mangni gita aro Dalu-ona 35 km mangni gita chel•bea ramarangko re•e porikkako sena nangachim. Iandake chel•bea rama baksana rama sorokrangba namen namgijagipako re•na nangan baksa garirango gadoe re•anioba neng•nikaniko man•rongachim. Iandakgipa rama sorokrango songrebaani a•selo porikkako seani somoiode chatro chatrirangara gisikni gita aro be•enni gita sin•jetanirangko man•rongskaachim.
Iani gisepon, a•dokni Skotong Minister Conrad K Sangma, MBOSE aro Education Department baksa, batanggimin antio tom•aniko ong•atenba porikkako sechakna skul-rangko ta•rakkale sandiani bidingo chanchirimangaha aro July 4 tarikoni dipet, Kherapara Secondary School-ko MBOSE exam centre-na chapdimataha.
Indake, ia skul-o chatro chatrirangko porikka sechakna chakjaenga ine nikgenchimode, gipin skul-rangkoba chapdimatani bidingo sorkari chanchianggen.
Na·simang ia video-koba nina man·gen:
Na·simang iakoba poraina man·gen: NH-6 sorokrangko taripiltaina chamatgimin tangkarangni bidingo Santa Mary Shylla talata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
