Tura, Feb 16: Tura-ni Gandrak Dare Beautification project ba nitodapate tarigimin Gandrak Dare-ko Sukrobar salo, Tura-ni MP Agatha K Sangma, do•ga oe on•angaha aro ia tom•anio Tura Municipal Board-ni Chairman JD Sangma, TMB-ni Chief Executive Officer RR Marak, dingtang dingtang officer-rang aro jolo songdongenggipa manderangba bak ra•angtokaha.
Ia Gandrak Dare-ko nitodapate tarina gita a•dok sorkari, gong lak 50 tangkarangko chame on•aha indiba dingtang dingtang a•selrangchi, ia kamko bilsignini ja•mansa matchotna man•aha.
Ia Gandrak Dare Beautification project baksana apsan biapon Street Library-koba Tura-ni MP kulie on•angjolaha. Street library-ko kulina gita Tura-ni MP Agatha Sangma, MPLAD scheme-ni tangkarangko chame on•aha aro ia library-na ua an•tangan an•tangni chimonggimin ki•taprangonikoba on•ataha.
Ia Gandrak Dare Beautification project aro Street Library-ko kulie on•angani somoio Tura-ni MP, jinmana aganprakengon, Meghalaya a•dokni dingtang dingtang biaprangko nitobatatna gita Beatification Project-ko ra•gatanio, Gandrak Dare-koba man•chapatahani gimin a•dokni Chief Minister Conrad K Sangma-ko mittelpilangenba, sorkarini tarie on•enggipa kam mingantian manderangni gam-jinrangan ong•a ine iandakgipa project-rangko simsak nirokchina gita Tura jillani manderangko didiangaha.
Na·simang Iakoba poraie nina man·gen:TMC dol, Tura Parliamentary seat-na mangmang susaagen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
