Gangtok, August 11: Re•anggipa July jani 19 tariko, Gangtok Kazi road-o re•brange donggipa achakko goe so•otani bidingo, achakrangna ka•sagipa dolrang Gangtok-ni Zero point-oni MG Marg-ona re•jomaniko ong•atangaha. Ia ong•a obosta a•doko matburingrangni naljokanina kamko ka•gipa manderangko ding•chaoataha.
Ia jegalaniko, a•doko matburingrangko naljoke rakkianina kamko ka•gipa dolgni chong•motan ‘People for Animals’ aro ‘The Guardians, Sikkim’ dolrang dilaniko dakangaha. Indake ia dolrang, Sardar Police Station-o iani bidingo FIR-ko segatenba re•brange donggipa achakna kakket bichalko am•enga. Iani gisepon, uamang kakket bichalko man•a gita indita jotton ka•genchim ong•omangba, chu•onga gita sakki sabit dongja inenba iani bidingo darangkoba da•o dipet rim•kujaenga.
The Guardian, Sikkim-ko a•bachengatgipa Karma Youtso, ia ong•a obostani gimin suk ong•gijaniko parakengon, sawa ia so•otaniko dakaha darangan u•ia indiba uamangko da•onaba bichal ka•na gita rimbakuja. Ia case-ni bidingo am•sandia matchotgijan chipaigenchim ong•oba, chinga iako indaken bon•atna gita on•jawa ine aganan baksana, matburingrang agana man•jagenchim ong•omangba, uamang matburingrangni palo ku•rangko on•angskagen, ineba ua u•iatangaha.
Jegalaniko dakgipa dolrang ia cholko ra•enba, matburingrangko kragija jakkalani bidingo skie on•anirangko dakan baksana matburingrangko naljoke rakkina nangchongmotani gimin mikrakataniko on•a gita pamphlet-rangkoba suale on•angaha.
Na·simang ia video-koba nina man·gen:
Na·simang iakoba poraina man·gen: Skanggipa changna South Western Motocross Championship-ko ong·atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
