Shillong, April 18: Garo Hills-ni mitam biaprango nangana batpile ding•aniko chakna nangengani gimin skul aro college-rangko chutti watchina gita a•dokni Education department-ba ge•etaniko on•ataha.

Iani bidingo u•iataniko on•angengon, da•o dipet West Garo Hills a•jaan ding•batenggipa biap ong•engani gimin West Garo Hills a•ja baksana South Garo Hills a•jaoba skul aro college-rangko chutti watchina u•iatenga ine a•dokni Education Minister Rakkam Sangma parakataha.

Ia sal somoirango a•gilsak gimikon ding•anirang batroroengahani gimin samtangtango ong•telaigiparangko ripingna gita chanchirimna nangengaha ineba Sangma parakataha.