Shillong, Mar 13: Garo Hills-o bading chiwale cha•enggiparangna aro bading chiwalani kamrangko a•bachengatna sikenggipa manderangna CM-Elevate-ni tom•bimonganiko Tura-ni District Auditorium-o ong•atangaha aro ia tom•anio, Meghalaya a•dokni Chief Minister Conrad K Sangma, mongsonggipa sokgipa ong•e bakko ra•angaha.
Ia tom•bimonganio, Meghalaya Legislative Assembly-ni Deputy Speaker Timothy D Shira, Power Minister AT Mondal, PHE Minister Marcuise N Marak aro Tura-ni Lok Sabha MP Agatha K Sangma-ba dongpae bak ra•angaha.
Ia tom•bimonganio a•dokni Chief Minister, CM-Elevate program-ni bidingo talate on•angengon, ian 2028 bilsini gisepo Meghalaya a•dokko 10 Billion Dollar economy ong•atna aro a•songo dal•dalgipa gipin a•dokrang baksa apsan ong•atna gita sorkarini niksamsoe ra•gatgipa program ong•a ine parakataha.
Dal•e niksamsoani gnang re•mikkangjagenchimode a•dok namroro silrorona man•jawa ine janapatengon, sorkarini kamrango a•dokni chadamberang, me•chikrang, game ge•e cha•giparang, bading chiwalgiparang aro pilakan bak ong•pagenosa a•dok namroro silrorona man•gen ine Chief Minister aganaha.
Batanggimin bilsisa atani gisepo a•dokni economy, gong crore 45,000-oni gong crore 56,000-ona tang•doangaha ineba Chief Minister parakataha.
Ia CM-Elevate program-chi a•dok sorkari, bading chiwalgiparangna tangka paisani gita dakchakanirangko on•anichi kamrangko ka•e cha•na gita cholrangko ong•katatskana miksongenga ineba Chief Minister aganaha.
CM Elevate program-ni dingtang dingtang scheme-ni ning•o 50 percent ba una baten subsidy-rangko man•gen ineba Chief Minister, ia program-ni namgnirangko ra•china gita chadamberangko didiangaha.
Adita salrangna skang sorkarini a•bachengatgipa Floriculture Mission-ni gimin janapangskaengon, ia mission-chi a•doko pul ge•ani kamrangko tang•doatna dakchakgen ine Chief Minister aganaha.
Tura-o IT Park-ko kulina gita work order-ko on•manahani gimin ian Tura-ni chadamberangnasan ong•aigija Garo Hills gimikni chadamberangnan ming 5000-na baten kamrangko nakatate on•gnok ineba ua aganaha.
Ia tom•anio a•dokni Chief Minister, Village Data Volunteer (VDV)-rangnaba appointment letter-rangko suale on•angjolaha aro sorkarini kamrangko nambate chu•sokatanio VDV-rangni gamchatgipa ong•ani gimin agan-talate on•angaha.
Our economy will grow in its true sense if the youth, women, farmers, entrepreneurs and every section of the society are a part of the growth story.
In the last one and a half years, the economy of the state has increased from 45k Cr to 56k Cr.
CM Elevate is an aggressive… pic.twitter.com/40t3dgUWTH
— Conrad K Sangma (@SangmaConrad) March 13, 2024
Tura-ni Rongkhon Songgital-o galenggipa jabolrangko Bio-Mining dakna gitaba ia tom•anio a•dokni Chief Minister, work order-ko pakwate on•angaha.
Ia tom•anio dingtangmancha CM Elevate program-ni Agri-Response Vehicles, Agri-Warehouse, Common Facility Centre, Piggery, Poultry aro Goat Farming scheme-rangko man•enggipa manderangnaba Chief Minister aro gipin dilgiparangni jakchi sanction letter-rangko suale on•angaha.
Na·simang iakoba poraina man·gen:Assam-o JICA baksa nangrime water supply project-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
