Tura, Oct 4: Sukrobar pringo, dontonggija mikkarang waanganichi West Garo Hills a•jani Dalu jolrango, a•arang ruronganio, bilsi bonga ong•gipa bi•sa saksako man•chape gimik sakgittam manderang, dingtang dingtang biaprango sina nangaha.
Bristibar salonin Garo Hills gimikon mikkarang jimbee waangani a•sel chiringrangni dal•baaniko aro a•arangni ruronganiko bang•en nikangna gita man•ahachim.
Sukrobar pringni 7:30 bajimango, Dalu jolo donggipa Koinadubi songo, nokni babilsiko a•tot damsa be•dapani ja•man bilsi 57 ong•gipa me•chikma Santa N Marak, so•otako man•aha. Ua somoio ia me•chikma, an•tangni bilsi 28 ong•gipa demechik Moralistic N Marak baksa mi bijak song•engachim indiba indakmiting somoio rang•gitik uamangni babilsiko a•tot damsa be•dapaha. A•a be•dapanio, ia me•chikmani demechikgipaba bilongbee saknaanirangko man•aha aro uko ja•mano Dalu CHC-ona ra•angaha.
Apsan somoirangon, Dalu jolo donggipa biap damgnio a•a be•ani bidingo police-rangna aro rescue team ba naljokatgipa dolrangna kobor on•ataha.
Ia biap damgnioni damsade Sorokpara songo ong•a aro ua biapona naljokatgipa dolni manderang sokangani ja•man, a•a be•dapgipa biaponiko bilsi bonga ong•gipa bi•sa Miando P Marak-ni manggisiko ra•ongkatna man•aha.
Gittamgipa a•sel ong•aniara Karonggre songo ong•skaa aro ia songoba nok te•sako a•a be•dape, bilsi 18 ong•gipa Sanira M Marak janggitangko gimaatna nangaha. Uni manggisiko adita somoirangni ja•mansa naljokatgipa dolni manderang ra•ongkatna man•aha.
Sukrobar pringo mikkarang jimbee waanganichi, West Garo Hills aro South Garo Hills a•jarango bang•en a•a be•anirangko, rama champengata man•aniko, dolong be•anirangko aro chi bananirangko knasona man•aha.
Kobor on•ani gitade, South Garo Hills a•jani border ramao donggipa dolong ge•sakoba chi pe•angaha aro da•o West Garo Hills-oni South Garo Hills-ona ia border rama gita re•a doani cholko champengata gita ong•aha.
Tura jillaoba bang•en a•a be•anirangko nikangna aro knasona man•aha aro uandaken Chunmati jolo mongsonggipa ramako a•a be•dapani a•sel Tura-oni Chokpot aro Baghmara-ona re•a doani cholko champengataha.
Na·simang ia video-koba nina man·gen:
Na·simang iakoba poraina man·gen: Disaster Risk Reduction Day-ko Gangtoko gisik ra•aniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
