Tura, June 16: Job reservation-ni bidingo adita jingjenganirang ong•engon, Garo Hills-ni a•kawe jolrango songdongkamgipa non-tribal ba gipin jatrangba state quota-o chapatpachina gita kurangko on•angpaaha.
GHADC-ni MDC Sofior Rahman, Expert Committee-na Muslim-rang, Hindu-rang, Bihari-rang Nepali-rang aro gipin songdongkamgipa non-tribal community-ni manderangko uamangna on•gimin 15 % quota-oniko 7.5 % quota-ko uamangna on•china gita janape seataha. State job reservation policy-o 40 % seat-ko Khasi-Jaintia-na, 40 % seat-ko Garo-rangna, 5% seat-ko gipin tribal jatrangna aro 15% seat-ko general category-na dake chamgimin ong•achim. “a•dok sorkarini tribal manderangko gipin jatrang baksa apsangrik ra•dopana ine ja•ku de•giminna chinga kusi ong•genchimoba, Meghalaya a•doko songdongkamgipa non-tribal manderangna maming namgnirang dongkujaenga.
Meghalaya a•dokko man•ani bilsi 46 ong•oba, da•alona kingking sorkari rikanioba, school aro college-rangoba non-tribal skigiparang komibea,” ine aganan baksana, Meghalaya a•doko lakh 1.50 non-tribal songdong achaenggiparang gnang jeoni Muslim-rangan bangbatgipa ong•a, ineba Rahman janapangkuaha. An•tangni jatko gimikni gitan jamanchakenggipa ine aganengon, National Statistical office-ni gita report-o mesokani gitade, Scheduled Caste aro Scheduled Tribes-rangna baten Muslim community-rangan jaman chakbatgipa ong•enga.
Na·simang ia video-koba nina man·gen:
Na·simang iakoba poraina man·gen: Chang 47th Meghalaya State Chess Championship-o sak 4 chegiparang National level-o susaanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
