Tura, March 11: Garo Hills-o so·sojengjeng ong·anirang dongengon, A·chik Baptist Dal·gipa Krima (ABDK) No. IV, A·chik a·songo tom·tomaniko ra·bapilna dingtangmancha Isolo bi·anirangko dakanio songdonggipa manderangko bak ra·china mol·molangaha.
Garo Hills-na nangchongmotgipa somoio ku·cholsan ong·e Isolo bi·anio bak ra·china ine ABDK manderangna didianiko on·enba, da·o so·sojengjeng ong·enggipa obostarangko namatna jinma ku·mongrimani, ka·sachakgrikani, aro ma·sichagrikaniko nangchongmotenga ine aganangaha.
ABDK-ni aganani gitade, ku·mongrime Isolo bi·anichi manderangko ong·gipa ramaona rimbana, mitchigrikaniko a·rikatna aro jatsa jatgipin baksa meligrikaniko ra·bana jotton ka·ani ong·a. Una agreba, da·ororo ong·enggipa obostarangchi neng·nikanirangko man·enggipa manderangna aro tom·tomaniko ra·bana kam ka·enggipa manderang aro dolrangna bi·chaknaba uamang manderangko mol·molangaha.
“Manderangni bi·chakrimanichi Garo Hills-o manderangko ekgrikatanirangko namatna aro ku·cholsan ong·aniko ra·bana man·gen,” ine ABDK aganeba, ru·utgija sal-somoirangni gisepon tom·tomani sokbagen ine ka·donganiko parakataha.
Uandake, Mother’s Union, Tura-ba niamni kosako ong·gipa kamrang jekai dokprete ra·ani aro uandakgiparangoni chel·e dongchina songdonggipa manderangna mol·molaniko on·ataha.
An·chi-pari nikanichi mamung namaniko ra·bajawa ine aganenba, manderangko gisik ka·sine aro chanchie kamrangko ka·china uamang didiangaha. Garo Hills Autonomois District Council-ni election-ko ra·doataha, uni gimin election-o susana man·giparangni bidingo niamrangko taridapatna somoiko on·enga ine uamang aganangaha. Uamang ma·giparang ong·e pangkamgipa tom·tomaniko Garo Hills-o nikna ska jeon uamangni dedrang dal·roroe silroro-namrorona man·gen ine aganangaha.
Una agreba, jinmarang uamangni mol·molanirangko knachakgen aro tom·tomaniko ra·bana ku·cholsan ong·e ja·ku de·gen ine Union-ni ma·giparang an·tangtangni ka·donganiko parakataha
Na·simang iakoba nina man·gen:
Na·simang iakoba poraina man·gen: SWGH-o petrol aro diesel-ko botol aro gipin ra·chakani bosturango ra·na man·jawa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
