Tura, Mar 9: Garo Hills a•jani dol 5 students aro social organization-rang chongmotan, A•CHIK, FKJGP, Garo State Movement Committee, A•chik Youth Welfare Organization aro Nogalbibra-ni AOSW dolrangni dilgiparang, Garo Hills-ni chinirangko Bangladesh-ona aro Myanmar-ni gue-rangko Garo Hills-ona, Baghmara aro Rongara-ni sima ari gita niamgri badingsrukenganiko, sorkarini gita nirok sandianiko dakenba champenganiko dakatchina gita, South Garo Hills a•jani Deputy Commissioner-na, Bristibar salo chittiko sedoataha.
Indake, bol ritchani ritcha chongipa truck-rang, Assam-ni Guwahati, Dudhnoi aro Goalpara-oni aro unbaksana Tura-oni, bostani bosta chinirangko salangenba Bangladesh-ona niamgri badingatenganiko nikna man•enga. Unbaksana, apsandaken guerangko bostani bosta East aro North Garo Hills a•ja gita, Assam-ni Damra-Dudhoi-ona iandakgipa truck-rango salbaenba karkanarango supari ba gue granrangko tarienga.
Indake ia jegalaniko dakenggipa dolrang, walni somoi ong•ahaon a•dokni sima arirango indake bang•a badingsrukanirangko nikna man•enga aro iani a•selan, sorkarini man•gniko gimaatan baksana Garo Hills a•jani gue baganko game gee cha•enggiparangna namen noksan ong•enga ine janapataha.
Ia, chini aro guerangko niamgri badingsrukanirang mongsongbate Nagaland aro Manipur a•dokrangni sima arirangosa nikna man•achim, indiba batanggimin bilsirangoni dipet Garo Hills a•jaoba iandakgipa kamrangko nikna man•engaha.
Una agreba koborrangko man•soani gita, ia badingsrukenggipa bosturangko chongmotan, chini ba guerangko chiltimna gita sima ari jolo donggipa songni manderangko hajira on•e jakkalenga inenba u•ina gita man•aha.
Na·simang iakoba poraie nina man·gen: TMC-ni gitcham MLA-ni BJP-o bakrimenganiko partyni dilgipa rimchaksoa, TMC MLA ong•kuenggiparangba bakrimgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
